දකුණු පළාතේ පාසල්වල විදුහල්පති තනතුරේ පුරප්පාඩු 323ක් පවතින බව දකුණු පළාත් ආණ්ඩුකාර ආචාර්ය විලි ගමගේ මහතා පවසයි.
විදුහල්පතිවරුන් 1523 දෙනකු සිටිය යුතු වුවත් දැනට සිටින්නේ විදුහල්පතිවරුන් 978 දෙනකු බව ද ආණ්ඩුකාරවරයා කියයි.
මෙකී පාසල්වල විදුහල්පති තනතුරු සඳහා වැඩබලන විදුහල්පතිවරුන් පත්කොට ඇති බව පවසන දකුණු පළාත් ආණ්ඩුකාරවරයා අධ්යාපන නිලධාරීන්ගේ පුරප්පාඩු 60ක් පමණ පවතින බව ද පවසයි. අධ්යාපන නිලධාරින් 223 දෙනකු සිටිය යුතු වුවත් දැනට සිටින්නේ 174 දෙනකු බව ද ආණ්ඩුකාරවරයා සඳහන් කළේය.
අධ්යාපන අමාත්යාංශය මගින් ශ්රේණිධාරී විදුහල්පතිවරුන් පත්කොට පළාත් සභාව වෙත මුදා හැරියහොත් විදුහල්පති පුරප්පාඩු වී ඇති පාසල් සඳහා එම විදුහල්පතිවරුන් පත්කළ හැකි බව ද ආණ්ඩුකාර ආචාර්ය විලි ගමගේ මහතා වැඩිදුරටත් සඳහන් කළේය.
ලලිත් චාමින්ද සහ එස්.කේ. කළුආරච්චි – ගාල්ල