ඇමැති අලි සබ්රි කොමසාරිස්වත් කැඳවයි
මහින්ද රාජපක්ෂ සහ ගෝඨාභය රාජපක්ෂ යන හිටපු ජනාධිපතිවරුන්ට සහ හමුදා සාමාජිකයින් දෙදෙනකුට එරෙහිව සම්බාධක පැනවීමට කැනඩාව ගෙන ඇති තීරණයට විරෝධය පළකිරීමට ශ්‍රී ලංකා රජය තීරණය කර ඇත.
ඒ අනුව ඒ සම්බන්ධයෙන් නිල වශයෙන් විරෝධය පළකිරීම සඳහා විදේශ කටයුතු ඇමැති අලි සබ්රි මහතා ඊයේ (11) පෙරවරුවේ මෙරට ශ්‍රී ලංකාවේ කැනේඩියානු වැඩබලන මහ කොමසාරිස්වරයා විදේශ කටයුතු අමාත්‍යාංශය වෙත කැඳවනු ලැබීය.
හිටපු ජනාධිපතිවරුන් වන මහින්ද රාජපක්ෂ මහතා සහ ගෝඨාභය රාජපක්ෂ මහතා ඇතුළු ශ්‍රී ලාංකිකයින් සිව්දෙනකුට සම්බාධක පැනවීමට තීරණය කළ බව කැනේඩියානු රජය පෙරේදා (10) නිවේදනය කළේය.
අකිත පෙරේරා
