මහියංගන විහාරාධිපති නාහිමි
මහියංගන පුදබිම පූජා භූමියක් ලෙසින් ප්‍රකාශයට පත්කළ වගයි
මේ රටේ විධායක ජනාධිපතිවරු අට දෙනෙක් බිහිවී සිටියදී මහියංගනය පුදබිම ප්‍රතිසංස්කරණය කිරීමට පැමිණි එකම එක විධායක ජනාධිපතිවරයා ජනාධිපති රනිල් වික්‍රමසිංහ මහතායි. එම පුදබිම පූජා බිමක් ලෙස ගැසට් කළේ එතුමායි. මේ දක්වා මහියංගනය පුද බිමට තිබුණේ පූජා නගර ගැසට් පත්‍රයක් පමණයි යැයි මහියංගනය රජමහා විහාරාධිපති උරුලෑවත්තේ ධම්මරක්ඛිත නාහිමිපාණන් වහන්සේ පැවැසූහ.
ඓතිහාසික මහියංගනය පුදබිම පූජා භූමියක් ලෙස ප්‍රකාශයට පත්කිරීමේ ශ්‍රී සන්නස් පත්‍රය ජනාධිපති රනිල් වික්‍රමසිංහ මහතා විසින් මහා විහාර වංශික ශ්‍යාමෝපාලි මහා නිකායේ අස්ගිරි පාර්ශවයේ ජ්‍යෙෂ්ඨ කාරක සංඝ සභික මහියංගන රජමහා විහාරාධිපති මහෝපාධ්‍යාය පූජ්‍ය උරුලෑවත්තේ ධම්මරක්ඛිත ස්වාමීන්වහන්සේ වෙත පිළිගැන්වූ අවස්ථාවේ උන්වහන්සේ ඒ බව කීහ.
ඓතිහාසික මහියංගනය පුදබිමේ ප්‍රතිසංස්කරණ කටයුත්තකට සහභාගි වූ නිදහස් ශ්‍රී ලංකාවේ පළමු විධායක ජනාධිපතිවරයා ලෙස ඊයේ (28 දා) පස්වරුවේ මහියංගනය පුද බිම වෙත පැමිණි ජනාධිපති රනිල් වික්‍රමසිංහ මහතා විහාරාධිපති උරුලෑවත්තේ ධම්මරක්ඛිත ස්වාමීන් වහන්සේ ප්‍රමුඛ මහා සංඝරත්නය බැහැදැක ආශිර්වාද ලබාගත්තේය.
අනතුරුව චෛත්‍ය රාජයාණන් වහන්සේ වෙත මල් පූජා කර ආගමික වතාවත්වල නිරත විය.
මෙත් සවිය නිර්මාතෘ තාරකා විiාඥ, කොළඹ විශ්වවිiාලයේ භෞතික විiා මහාචාර්ය චන්දන ජයරත්න මහතාගේ ප්‍රධානත්වයෙන් “මෙත් සවිය මනස අධ්‍යාපන මෛත්‍රී සංසදය” මගින් විල්ලුව වැව මධ්‍යයේ ඉදිකළ අඩි 102 ක් පමණ උසින් යුත් සක්මන් බුද්ධ ප්‍රතිමා වහන්සේ නිරාවරණය කිරීම සනිටුහන් කරමින් සමරු ඵලකය නිරාවරණය කිරීම ජනාධිපති රනිල් වික්‍රමසිංහ මහතා අතින් සිදුවිය.
ඓතිහාසික මහියංගනය මහ සෑ රදුන්ගේ ආරක්‍ෂාව පිණිසත්, විහාර අලංකරණය පිණිසත් ඉදිකළ අඩි
2500 ක දිගින් යුත් වලාකුළු බැම්ම විවෘත කිරීමට අදාළ සමරු ඵලකය ද ජනාධිපතිවරයා අතින් නිරාවරණය කෙරිණි.
මහියංගන රජමහා විහාරාධිපති මහෝපාධ්‍යාය පූජ්‍ය උරුලෑවත්තේ ධම්මරක්ඛිත ස්වාමීන්වහන්සේ විසින් ජනාධිපති රනිල් වික්‍රමසිංහ මහතා වෙත කෘතවේදීත්වය පිරිනමමින් සිහිවටන තිළිණයක් ද පිළිගැන්විණි.
පුණ්‍ය මහෝත්සවයේ පිළිගැනීමේ අනුශාසනාව සිදුකළ මහියංගන රජමහා විහාරාධිපති පූජ්‍ය උරුලෑවත්තේ ධම්මරක්ඛිත ස්වාමීන්වහන්සේ සඳහන් කළේ ඓතිහාසික
මහියංගනය පුදබිම පූජා භූමියක් ලෙස ප්‍රතිසංස්කරණය කළ එකම විධායක ජනාධිපතිවරයා රනිල් වික්‍රමසිංහ මහතා බවයි.
එහිදී වැඩිදුරටත් අදහස් දැක්වූ උන්වහන්සේ මෙසේ ද පැවැසූහ.
මහියංගන චෛත්‍ය රාජයාණන් වහන්සේ ප්‍රතිසංස්කරණය කිරීම සඳහා රජවරු දෙදෙනෙක් මූලිකත්වය ගෙන කටයුතු කර තිබෙනවා. ඒ දුටුගැමුණු රජතුමා සහ පළමුවන විජයබාහු රජතුමායි. ඉන්පසුව එහි ප්‍රතිසංස්කරණ කටයුතු සිදු කෙරුණේ ඩී එස් සේනානායක අගමැතිවරයාගේ කාලයේයි. නමුත් මේ රටේ විධායක ජනාධිපතිවරු අටදෙනෙක් බිහිවෙලා තිබුණත් මහියංගනය පුදබිම ප්‍රතිසංස්කරණය කිරීමට පැමිණි එකම එක විධායක ජනාධිපතිවරයා රනිල් වික්‍රමසිංහ මහතායි. මහියංගන පුදබිම පූජා භූමියක් කිරීම සඳහා ගැසට් කළේ ඔබතුමායි. මේ වෙනකන් මහියංගනය පුදබිමට තිබුණේ පූජා නගර ගැසට් පත්‍රයක් පමණයි.
ශ්‍යාමෝපාලි මහා නිකායේ අස්ගිරි පාර්ශ්වයේ මහනායක අතිපූජ්‍ය වරකාගොඩ ඥානරතන මහා නායක ස්වාමීන් වහන්සේ, මල්වතු පාර්ශ්වයේ අනුනායක අග්ගමහා පණ්ඩිත, ආචාර්ය පූජ්‍ය නියංගොඩ විජිතසිරි අනුනායක ස්වාමීන් වහන්සේ, අස්ගිරි පාර්ශ්වයේ අනුනායක පූජ්‍ය ආණමඩුවේ ධම්මදස්සි ස්වාමීන් වහන්සේ, අස්ගිරි පාර්ශ්වයේ අනුනායක පොළොන්නරුව සොලොස්මස්ථානාධිපති පූජ්‍ය වේඩරුවේ උපාලි ස්වාමීන් වහන්සේ ප්‍රමුඛ මල්වතු – අස්ගිරි උභය මහා විහාරයීය අනුනායක ස්වාමීන් වහන්සේ, ප්‍රමුඛ කාරක සංඝ සභික ස්වාමීන් වහන්සේ ඇතුළු ත්‍රෛනිකායික මහා සංඝරත්නය ද, විපක්‍ෂ නායක සජිත් ප්‍රේමදාස, අමාත්‍යවරුන් වන විජයදාස රාජපක්ෂ, නිමල් සිරිපාල ද සිල්වා, විදුර වික්‍රමනායක, රාජ්‍ය අමාත්‍ය තේනුක විදානගමගේ, ජාතික ආරක්‍ෂාව පිලිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක, ඌව පළාත් ආණ්ඩුකාර ඒ. ජේ. එම්. මුසම්මිල්, ශ්‍රී ලංකාවේ වියට්නාම් තානාපතිනිය, ආදිවාසී නායක ඌරුවරිගේ වන්නිලැත්තෝ, ඓතිහාසික දළදා මාළිගාවේ දියවඩන නිලමේ ප්‍රදීප් නිලංග දෑල, ආරක්‍ෂක මාණ්ඩලික ප්‍රධානි ජෙනරාල් ශවේන්ද්‍ර සිල්වා, පොලිස්පති සී. ඩී. වික්‍රමරත්න යන මහත්වරු ඇතුළු ආරක්‍ෂක අංශ නියෝජිතයන් සහ ආරාධිත පිරිසක් පුණ්‍යෝත්සවයට එක්ව සිටියහ.
මහියංගනය – රංජිත් කරුණාවීර, බඩල්කුඹුර – රවිඳු ගුණතිලක
