සමාජ මාධ්‍ය ඔස්සේ අපහාස කිරීම සහ වෙනත් ආගමික වැරදි සිදුකිරීමේ චෝදනාව මත පකිස්ථානයේ ඉස්ලාමාබාද් ත්‍රස්ත විරෝධී අධිකරණයක් පුද්ගලයෙකු වරදකරු කරමින් ඔහුට මරණ දඬුවම, වසර 21 ක සිරදඬුවමක් සහ රුපියල් මිලියන 1.6 ක දඩයක් නියම කර ඇත.විත්තිකරු වැරදිකරු බවට සැකයක් තොරව ඔප්පු කිරීමට පැමිණිල්ලේ ප්‍රකාශයට සියලුම පැමිණිලි සාක්‍ෂිකරුවන් සම්පුර්ණයෙන්ම සහාය දී ඇත. ඉස්ලාමාබාද්හි පහළ ඩිර් දිස්ත්‍රික්කයේ ඇඩෙන්සායි තෙහෙසිල්හි පදිංචිකරුවෙකු වන චූදිතයා ඔහුගේ නමින් ලියාපදිංචි සිම් කාඩ්පතක් සහිත ජංගම දුරකථනය සොයා නොගත් බවත් එම දුරකථනයේ අපහාසාත්මක අන්තර්ගතයන් කිහිපයක් තිබූ බවත් පවසා ඇත. එය අසත්‍ය බව ඔප්පු කිරීමට අපොහොසත් වූ බවත් ඔහු එය බෙදාහදා ගත් බවත් ප්‍රකාශ කළේය. පැමිණිල්ලේ පදනම මත පරීක්ෂණයක් ආරම්භ කරන ලද අතර පසුව අනාවරණය වූයේ විත්තිකරු ඔහුගේ ජංගම දුරකථනය හරහා අපහාසාත්මක අන්තර්ගතයන් බෙදාගෙන ඇති බවය. ඔහු වෛරය පැතිරවීමට සහ නබිතුමාගේ තත්ත්වය කෙලෙසීම සඳහා ද්වේෂසහගත අන්තර්ගතයන් බෙදාගෙන ඇති බවත් මුහම්මද් තුමා සහ ඔහුගේ භාර්යාවන් සම්බන්ධව වට්ස් ඇප් සමාජ මාධ්‍ය ඔස්සේ ප්‍රචාරය කර ඇති බවත් අනාවරණය විය. මෙම කාරණය අපහාසාත්මක ගණයට සම්බන්ධ වූ අතර ඉතා සංවේදී වූ බැවින් පෙෂාවර් මධ්‍යම බන්ධනාගාරය තුළ නඩු විභාගය පැවැත්වීමට නියෝග කරමින් රජය 2022 ජනවාරි 31 දින නිවේදනයක් නිකුත් කළේය.
