දකුණු ඉන්දියාව සහ කන්කසන්තුරය ත්‍රිකුණාමලය සහ කොළඹ වරායන් අතර මගී යාත්‍රා සේවාවක් ආරම්භ කිරීමට පියවර ගෙන ඇත. මේ සම්බන්ධව විශේෂ සාකච්ඡාවක් වරාය නාවික හා ගුවන්සේවා අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් අමාත්‍යංශ ශ්‍රවනාගාරයේ දී අද පැවැත්විණ.
මෙම වැඩපිලිවෙලේ ප්‍රථම පියවර ලෙස කන්කසන්තුරේ සහ පාන්ඩිචෙරි අතර මගී යාත්‍රා සේවාවන් ලබන ජනවාරි මස මැද ආරම්භ කිරීමට සැලසුම් තිබේ. ඒ සඳහා ඉන්දියානු රජයේ අනුමැතිය ලබා දී ඇති බවත් අමාත්‍ය නිමල් සිරිපාල ද සිල්වා මහතා පැවසීය.
