ක්‍රීඩා අමාත්‍යාංශයේ හිටපු සහකාර අධ්‍යක්ෂ සහ සබරගමුව විශ්වවිද්‍යාලයෙන් හිටපු ක්‍රීඩා අධ්‍යක්ෂ විමලා ජයවීර මහත්මිය ඊයේ (23) හදිසියේ අභාවප්‍රාප්ත වූවාය.
ක්‍රීඩා නිලධාරිනියක් ලෙස දීර්ඝ කාලයක් ක්‍රීඩා අමාත්‍යාංශයට අනුබද්ධිත ව සේවය කළ ඇය දකුණු පළාතෙන් බිහිවූ ප්‍රවීණ වොලිබෝල්, නෙට්බෝල් සහ මලල ක්‍රීඩා ක්‍රීඩිකාවක ද වේ. ශ්‍රී ලංකා නෙට්බෝල් සම්මේලනයේ හිටපු විධායක කමිටු නිලධාරිනියක් මෙන්ම නෙට්බෝල් තේරීම් කමිටු සභාපතිනි ලෙස ද ඇය කටයුතු කොට ඇත.
දෙදරු මවක් වන ඇය හිටපු ක්‍රීඩා අධ්‍යක්ෂ ජනරාල් සුනිල් ජයවීර මහතාගේ භාර්යාව ද වෙයි. විමලා ජයවීර මහත්මියගේ අවසන් කටයුතු ලබන 26 වැනිදා මාකොළ දී සිදුකිරීමට නියමිතය.
