වෘෂණ කෝෂ බද්ධ කරන්න බැහැ – කිසිම රටක් එවැනි දෙයක් කර නෑ

639

කරාපිටියේ ශල්‍ය වෛද්‍ය විශේෂඥයෙක් කියයි

තමන් දන්නා පරිදි ලෝකයේ කිසිදු රටක මේ වනතෙක් කිසිම වෘෂණ කෝෂ බද්ධ කිරීමක් සිදුකර නැතැයි ගාල්ල කරාපිටිය ශික්ෂණ රෝහලේ විශේෂඥ ශෛල්‍ය වෛද්‍යවරයෙක් ‘දිවයින’ට ඊයේ (04 වැනිදා) පැවසීය.

නම හෙළිකිරීමට අකමැතිවූ මෙම විශේෂඥ ශෛල්‍ය වෛද්‍යවරයා සඳහන් කළේ වෘෂණ කෝෂ බද්ධ කිරීමක් සිදු කළ නොහැකි බවයි.

පුද්ගලයකු අනතුරකට ලක්වී වෘෂණ කෝෂයට හානියක් සිදුවුවහොත් එය ඉවත් කිරීමට සිදුවන බව ද අනෙක් වෘෂණ කෝෂයටද විරුද්ධ ප්‍රතිදේහ නිසා එය මියයෑම සිදුවිය හැකි බව ද හෙතෙම පැවසීය.

වකුගඩු බද්ධ කිරීමේ ජාවාරම පිටුපස සිටිනුයේ අතරමැදි පුද්ගලයන් බව ද මුදල් ලබාදී වකුගඩු ලබාදෙන පුද්ගලයා කැමැති කරගත්තද පසුව ඔහුට පොරොන්දුවූ මුදල ලබා නොදෙන බව ද වෛද්‍යවරයා පැවසීය.

සෞඛ්‍ය අමාත්‍යාංශයේ අනුමැතියකින් තොරව කිසිදු ශල්‍ය වෛද්‍යවරයකු විසින් වකුගඩු බද්ධ කිරීමක් සිදු නොකරන බවද විශේෂඥ ශෛල්‍ය වෛද්‍යවරයා වැඩිදුරටත් කියා සිටියේය.

ගාල්ල – ලලිත් චාමින්ද සහ එස්. කේ. කළුආරච්චි

advertistmentadvertistment
advertistmentadvertistment