ඇහැටුවැව ප්රාදේශීය ලේකම් කොට්ඨාසයට අයත් නාගොලගනේ වනාන්තර හා ජනතාවගේ වගාබිම් අක්කර 5400ක් සමාගම්වලට හා ව්යාපාරිකයන්ට ලබාදීමේ ජාවාරමක් ක්රියාත්මක වන බව පරිසර හා බහුජන සංවිධාන එකමුතුව හා ඉඩම් හා කෘෂිකර්ම ප්රතිසංස්කරණ ව්යාපාරය ප්රකාශ කරයි.
මෙම ජාවාරමේ පිටුපස චීවර ධාරියකු සහ පැවැති කැබිනට් මණ්ඩලයක හිටපු ප්රබල අමාත්යවරුන් දෙපළක් සිටින බවත් ඒ සම්බන්ධයෙන් ඉදිරියේදී නීතිමය ක්රියාමාර්ග ගන්නා බවත් ඉඩම් හා කෘෂිකර්ම ප්රතිසංස්කරණ ව්යාපාරයේ පරිසර හා නීති නිලධාරී මෙන්ම පරිසර හා බහුජන සංවිධාන එකමුතුවේ කැඳවුම්කරු සජීව චාමිකර මහතා දිවයින ඉරිදා සංග්රහයට කීය.
මෙම ප්රදේශයේ මීඔය ව්යාපාරය යටතේ සංවර්ධනය කළ පාලුකඩවල, අතරගල්ල හා ඒරියාව වැව්වල ජල පෝෂක වනාන්තරද මේ ආකාරයෙන් ලබාගෙන එළිපෙහෙළි කිරීම හේතුවෙන් උග්ර අලි මිනිස් ගැටුමකට ප්රදේශයේ ජනතාවට මුහුණදීමට සිදුව ඇතැයිද හෙතෙම කීය.
ප්රදීප් ප්රසන්න සමරකෝන්