සංවර්ධනය කෙරෙමින් පවතින උතුරු දුම්රිය මාර්ගයෙන් ඉවත් කෙරෙන රේල් පීලි ඇතුළු භාවිතයට ගත හැකි කොටස් යොදා ගනිමින් කැලණිවැලි දුම්රිය මාර්ගය ප්රතිසංස්කරණය කිරීමට පියවර ගෙන ඇත.
ඒ අනුව ප්රවාහන, මහාමාර්ග හා ජනමාධ්ය ඇමැති ආචාර්ය බන්දුල ගුණවර්ධන මහතාගේ ප්රධානත්වයෙන් හෝමාගම දුම්රිය ස්ථාන පරිශ්රයේ දී මෙම ව්යාපෘතිය පසුගිය දා ආරම්භ විය. කිලෝමීටර් 59 ක දිගින් යුතු මරදාන සිට අවිස්සාවේල්ල දක්වා වන කැලණිවැලි දුම්රිය මාර්ගය ප්රතිසංස්කරණය කිරීම සඳහා රේල් පීලි 2359ක් සහ කොන්ක්රීට් සිල්පර 25728ක් යොදා ගැනීමට නියමිත වේ. ඒ සඳහා ඇස්තමේන්තු කර ඇති වියදම රුපියල් කෝටි 127කි.
මාර්ගයේ පවතින දුර්වල තත්ත්වය හේතුවෙන් දැනට පවතින වේග සීමා 49 වසරක් තුළ ඉවත් කිරීම දුම්රිය දෙපාර්තමේන්තුවේ සැලැසුම බව සඳහන් කරයි.
උපාලි ද සේරම්