දකුණු අප්‍රිකාවේ පැවැත්වෙන කාන්තා විස්සයි 20 සහ එක්දින තරගාවලියකට සහභාගි වන ශ්‍රී ලංකා කාන්තා කණ්ඩායම පෙරේදා (23දා) දකුණු අප්‍රිකාව බලා පිටත්ව ගියහ.
චමරි අතපත්තුගේ නායකත්වයෙන් යුත් මේ කණ්ඩායමට ක්‍රීඩිකාවන් 17ක් ඇතුළත් වේ. ජාතික ක්‍රිකට් තේරීම් කමිටුව නම් කළ මේ ක්‍රීඩිකාවන් 17කගේ සංචිතයට යෞවන කටයුතු සහ ක්‍රීඩා අමාත්‍ය හරින් ප්‍රනාන්දු මහතා නොබෝදා සිය අනුමැතිය ලබා දුන්නේය.
මේ තරගාවලියට විස්සයි 20 තරග තුනක් ද එක්දින තරග තුනක් ද ඇතුළත්ය. මෙහි එක්දින තරගාවලිය ජාත්‍යන්තර ක්‍රිකට් සමුළුව සංවිධානය කරන කාන්තා එක්දින ජාත්‍යන්තර තරගාවලියට අයත් වේ.
ක්‍රීඩිකාවන් 17කගෙන් යුත් සංචිතය
චමරි අතපත්තු (නායිකාව) විශ්මි ගුණරත්න, නිලක්ෂි ද සිල්වා, හර්ෂිතා සමරවික්‍රම, කවීෂා දිල්හාරි, හෂිනි පෙරේරා, අවිශ්කා සංජීවනී, ඕෂදී රණසිංහ, උදේශිකා ප්‍රබෝධනී, ඉනෝකා රණවීර, අචිනි කුලසූරිය, හංසිමා කරුණාරත්න, ඉමේෂා දුලානි, කාව්‍යා කවිඳි, ඉරෝෂි ප්‍රනාන්දු, සුගන්ධිකා කුමාරි සහ ප්‍රසාදිනී වීරක්කොඩි.
