කොල්ලුපිටිය ප්‍රදේශයේදී ත්‍රිරෝද රථයක් අනතුරට ලක්කර එහි රියැදුරු මියයෑමේ සිද්ධියට සම්බන්ධ බෙන්ස් රථය පැදවූ 24 හැවිරිදි ව්‍යාපාරික තරුණයා අනතුරින් පැය කීපයකට පසු ඩුබායි රාජ්‍යයට පලාගොස් ඇති බව විමර්ශනවලින් හෙළිවී ඇත.
අධික ලෙස බීමතින් බෙන්ස් වර්ගයේ රථයක් අධික වේගයෙන් ධාවනය කර කොල්ලුපිටිය ප්‍රදේශයේදී එය ත්‍රිරෝද රථයක ගැටීමෙන් මෙම අනතුර සිදුවිය. අනතුරින් ත්‍රිරෝද රථ රියැදුරු එම ස්ථානයේම මියගියේය.
බෙන්ස් රථයේ සිටි කාන්තාවකට රැස්ව සිටි පිරිස පහරදී ඇති බවද පොලිසිය පවසයි. අනතුරින් පසු ඩුබායි රාජ්‍යයට පලා ගිය සැකකරු මෙරටට ගෙන්වා ගැනීමට කටයුතු කරන බව පොලිසිය පවසයි.
හේමන්ත රන්දුණු
