ලෝක වෙළෙඳ මධ්‍යස්ථානයේ 34 වන මහල කුලියට ගෙන ආයතන කිහිපයක් පිහිටුවා කෝටි ගණනක් වංචාකළ තිළිණි ප්‍රියමාලි නමැත්තිය සහ එම මධ්‍යස්ථානයේ පවත්වාගෙන යන තවත් මතභේදාත්මක සමාගමක් සම්බන්ධයෙන් යූටියුබ් නාලිකාවක් ඔස්සේ වැඩසටහන් කිහිපයක් මගින් අනාවරණය කළ මාධ්‍යවේදී ධනංජය නාරංබැද්ද මහතා අද (26දා) පෙරවරුවේ අපරාධ පරීක්‍ෂණ දෙපාර්තමේන්තුවට කැඳවා ඇත.
අද දින ප්‍රකාශයක් ලබාගැනීම සඳහා පැමිණෙන ලෙසට දුරකථන මාර්ගයෙන් දැනුම් දී ඇතත් ප්‍රකාශ ලබාගැනීමට අවශ්‍ය කුමන කාරණය සම්බන්ධයෙන් දැයි දුරකථනයෙන් හෝ තමා ලබාදුන් විද්යුත් ලිපිනවලට මෙතෙක් දැනුම් දී නොමැති බවත් දිගින් දිගටම සිය පදිංචි ලිපිනය විමසමින් දුරකථන ඇමතුම් ලබාදෙන බවත් ධනංජය නාරංබැද්ද මහතා දිවයිනට පැවසීය.
ඒ. ජේ. ඒ. අබේනායක
