මහ බැංකුවේ අත්තනෝමතික වැටුප් වැඩි කර ගැනීම අවලංගු කිරීම සහ මහ බැංකුවේ සේවක වැටුප් වැඩි කිරීමේ දී මුදල් ඇමැතිවරයාගේ එකඟතාවය ලබාගැනීම අනිවාර්ය කිරීම අරමුණු කරගත් පාර්ලිමේන්තු මන්ත්‍රී උදය ගම්මන්පිල මහතා විසින් ගෙන එනු ලබන පනත් කෙටුම්පත ඊයේ දින (13 දා) පාර්ලිමේන්තුවේ දී පාර්ලිමේන්තුවේ වැඩ බලන මහ ලේකම් හංස අබේරත්න මහතා වෙත භාරදෙන ලදී.
මෙම පනත් කෙටුම්පත 2023 අංක 16 දරන ශ්‍රී ලංකා මහ බැංකු පනත සංශෝධනය කිරීම පිණිස වූ පනත් කෙටුම්පතකි.
මෙම පනත් කෙටුම්පත භාර ගනිමින් පාර්ලිමේන්තුවේ වැඩ බලන මහලේකම් හංස අබේරත්න මහතා ප්‍රකාශ කර සිටියේ ජාතික වැදගත්කමක් සේ සලකා නීතිපතිවරයාගේ මතය විමසීමට මෙම පනත් කෙටුම්පත කඩිනමින් ඉදිරිපත් කරන බවයි.
එරික් ගාමිණී – ශ්‍යාම් නුවන් ගනේවත්ත
