දිවයින පුරා තෝරා ගත් පාසල් සිසුවියන් 47,250කට වසරකට සරිලන සනීපාරක්ෂක තුවා පැකට්ටු ලබාදීමට පියවර ගෙන ඇතැයි ශ්‍රී ලංකා රතු කුරුස සමාජය පවසයි.මෙය පසුගිය ජුනි මස අවසාන වන විට ලබාදී ඇතැයි ද සදහන් කරයි. එය දිවයිනේ රතු කුරුස ශාඛා දහයක් හරහා බෙදාහැරීමට පියවර ගෙන ඇත.මේ සදහා බ්‍රිතාන්‍ය රජයේ ආධාර මත සනීපාරක්ෂක තුවා පැකට්ටු 45,000ක් ද ජපන් රජය ලබා දුන් ආධාර යටතේ සනීපාරක්ෂක තුවා පැකට්ටු 360,000ක් ද ශ්‍රී ලංකා රතු කුරුස සමාජය විසින් මිලට ගෙන තිබේ.වැඩිවියට පත් පාසල් සිසුවියන්ට ලබාදීම සදහා ඉන් පැකට්ටු 14400ක් මේ වන විට සියලුම දිස්ත්‍රික්ක වෙත බෙදාහැර ඇතැයිද සදහන් කරයි.
