මේ වනවිට කොවිඞ් බූස්ටර් එන්නත් මාත‍්‍රාව ලබාගත් පුද්ගලයන් ප‍්‍රමාණය සමස්ත ජනග‍්‍රහනයෙන් සියයට 51 ඉක්මවා ඇතැයි සෞඛ්‍ය සේවා නියෝජ්‍ය අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා ‘දිවයින’ට ඊයේ (04දා) පැවසීය.
ඒ අනුව බූස්ටර් එන්නත් මාත‍්‍රාව ලබාගෙන ඇති මුළු පුද්ගලයන් ගණන හැත්තෑ දෙලක්ෂ අටදහස් පන්සීය විසිනව දෙනෙකු බව ද හෙතෙම කීය.
බූස්ටර් එන්නත මෙතෙක් ලබාගෙන නොමැති නම් එය වහාම ලබාගන්නැයි ඒ මහතා මහජනතාවගෙන් ඉල්ලා සිටියේය.
මේ අතර, දිවයින පුරා මේ දිනවල කි‍්‍රයාත්මක විදුලි කප්පාදුවත් සමඟ ශීතාගාරවල පවතින එන්නත්වල කි‍්‍රයාකාරීත්වයට බලපෑම් සිදුවන බවට පළවන වාර්තා ප‍්‍රතික්ෂේප කරන බව ද ඔහු කියා සිටියේය.
ප‍්‍රදීප් ප‍්‍රසන්න සමරකෝන් සහ චමින්ද සිල්වා
