ආරක්ෂක සේවා අණ සහ මාණ්ඩලික විද්යාලයේ 16 වෙනි උපාධි ප්රදානෝත්සවය ජනපති රනිල් වික්රමසිංහ මහතාගේ ප්රධානත්වයෙන් පෙරේදා (08 දා) පස්වරුවේ කොළඹ නෙළුම් පොකුණ රඟහලේදී පැවැත්විණි.
ත්රිවිධ හමුදාවේ නිලධාරීන් සඳහා උපාධි ප්රදානය කරනු ලබන ආරක්ෂක අධ්යයන ක්ෂේත්රයේ අන්තර්ජාතිකව පිළිගත් මෙරට ප්රමුඛතම උසස් අධ්යයන ආයතනයක් වන ආරක්ෂක සේවා අණ හා මාණ්ඩලික විද්යාලය, ත්රිවිධ හමුදා නිලධාරීන්ගේ අණ හා මාණ්ඩලික අංශයන් දෙකෙහිම වෘත්තීය දැනුම හා අවබෝධය වර්ධනය කිරීමේ අරමුණින් ස්ථාපිත කරන ලද්දකි.
ආරක්ෂක සේවා අණ හා මාණ්ඩලික විද්යාලයේ පාඨමාලා අංක 16 සඳහා සහභාගිවූ ශ්රී ලංකා යුද හමුදා නිලධාරීන් 76 දෙනෙක්, ශ්රී ලංකා නාවික හමුදා නිලධාරීන් 26 දෙනෙක්, ශ්රී ලංකා ගුවන් හමුදා නිලධාරීන් 25 දෙනෙක් මෙන්ම බංග්ලාදේශය, ඉන්දියාව, මාලදිවයින, නේපාලය, පාකිස්තානය, ඕමානය, රුවන්ඩාව, සෞදි අරාබිය, සෙනගල්, සැම්බියා යන රටවල් නියෝජනය කරමින් සහභාගී වූ නිලධාරීන් 11 දෙනෙක් මෙහිදී උපාධි ලබාගත්හ.
ජාතික ආරක්ෂාව පිළිබඳ ජනපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානී සාගල රත්නායක, ආරක්ෂක අමාත්යාංශයේ ලේකම් ජෙනරල් (විශ්රාමික) කමල් ගුණරත්න, ආරක්ෂක මාණ්ඩලික ප්රධානී ජෙනරල් ශවේන්ද්ර සිල්වා, ගුවන් හමුදාපති එයාර් මාර්ෂල් සුදර්ශන පතිරණ, නාවික හමුදාපති වයිස් අද්මිරාල් නිශාන්ත උලුගෙතැන්න, යුද හමුදාපති ලුතිනන් ජෙනරල් විකුම් ලියනගේ, ආරක්ෂක සේවා අණ සහ මාණ්ඩලික විද්යාලයේ පීඨාධිපති මේජර් ජෙනරල් ලසන්ත රොද්රිගෝ, පොලිස්පති සී. ඩී. වික්රමරත්න යන මහත්වරු ඇතුළු පිරිසක් මෙම අවස්ථාවට සහභාගී වූහ.
ජනපති ප්රධානත්වයෙන්