වයස අවුරුදු 19 න් පහළ ආසියානු කුසලාන ක්‍රිකට් තරගාවලියේ ශ්‍රී ලංකා කණ්ඩායම සහභාගි වන පළමු තරගය අද (09 දා) ජපානයට එරෙහිව පැවැත්වෙයි.
අයිසීඒ ඇකඩමි ඕවල් ක්‍රීඩාංගණයේදී පැවැත්වෙන එම තරගය ශ්‍රී ලංකා වේලාවෙන් උදෑසන 9.30ට ආරම්භ වීමට නියමිතය.
ශ්‍රී ලංකා කණ්ඩායම මෙම තරගාවලියේදී සිනෙත් ජයවර්ධනගේ නායකත්වයෙන් යුතුව තරග වදී.
තරගාවලියේ පළමු ජයග්‍රහණය වාර්තා කිරීමට පකිස්ථාන වයස අවුරුදු 19 න් පහළ ක්‍රීඩකයෝ ඊයේ සමත් වූහ.
නේපාලයට එරෙහිව පැවති තරගයේදී ඔවුහු කඩුලු 7 ක ජයග්‍රහණයක් ලැබූහ.
