උපයනවිට බද්ද ඉවත් කළොත් රුපියල් බිලියන 100ක් අහිමි වන බවට ජනාධිපතිවරයා පාර්ලිමේන්තුවේදී ප්රකාශ කළත් මෙම බද්දෙන් එවැනි මුදලක් සොයාගත නොහැකි බවත් සමගි ජනබලවේගයේ පාර්ලිමේන්තු මන්ත්රී ආචාර්ය හර්ෂ ද සිල්වා මහතා පැවසීය.
උපයනවිට බද්දෙන් රුපියල් බිලියන සියයක් ලැබෙන ආකාරය පෙන්වන ලෙස ජනපතිවරයාට අභියෝග කරන බවද ඒ මහතා ඊයේ (09දා) විපක්ෂ නායක කාර්යාලයේ පැවති මාධ්ය හමුවේදී කීය.
ඒ වගේම උපයනවිට බද්ද පැනවීමේ සීමාව රුපියල් ලක්ෂ 02 දක්වා ඉහළ දැමුවොත් රුපියල් බිලියන 63ක් අහිමි වන බවට ද ජනපතිවරයා ප්රකාශ කළ බවද මේ ප්රමාණයන් හැදෙන ආකාරය පිළිබඳව විවෘත සාකච්ඡාවකින් හෙළිදරව් කළ යුතු බව ද විද්වත් වෘත්තිකයන් ද කැඳවා මුදල් කාරක සභාව හරහා මේ විශ්ලේෂණය කළ හැකි බවද ඒ මහතා කියා සිටියේය.
අකිත පෙරේරා