මෙවර 2022 ශීත සෘතු ඔලිම්පික් කී‍්‍රඩා උළෙල පැවැත්වීමට තෝරාගෙන ඇත්තේ චීනයේ බීජිං
නගරයයි. එය 2022 පෙබරවාරි 4 වැනිදා සිට 20 වැනිදා දක්වා පැවැත්වේ.
ශීත සෘතු ඔලිම්පික් කී‍්‍රඩා යනු හිම සහ අයිස් මත කී‍්‍රඩා කරන, වසර හතරකට වරක් පවත්වනු ලබන ප‍්‍රධාන ජාත්‍යන්තර බහු කී‍්‍රඩා ඉසව්වකි. පළමු ශීත සෘත ඔලිම්පික් කී‍්‍රඩා උළෙල 1924 වර්ෂයේ දී ප‍්‍රංශයේ චමොනික්ස් Chamonix හිදී පැවැත්විණි. නූතන ඔලිම්පික් කී‍්‍රඩා උළෙල කි‍්‍ර. පූ. 8 වැනි සියවසේ සිට කි‍්‍ර.ව. 4 වැනි සියවස දක්වා ගී‍්‍රසියේ ඔලිම්පියාහි පැවැති පුරාණ ඔලිම්පික් කී‍්‍රඩාවල ආභාසය ලැබීය. නූතන ඔලිම්පික් උළෙලේ පියා ලෙස සැලකෙන ප‍්‍රංශ ජාතික පියරේ ඞී. කුබර්ටින් 1894 දී ජාත්‍යන්තර ඔලිම්පික් කමිටුව International Olympic Committee (IOC) ආරම්භ කර, 1896 දී ග‍්‍රීසියේ ඇතෑන්ස් හි ප‍්‍රථම නවීන ගිම්හාන ඔලිම්පික් කී‍්‍රඩා උළෙලට මඟ පෑදීය.
මුල්ම ශීත සෘතු ඔලිම්පික් කී‍්‍රඩා ඉසව් වූයේ Bobsleigh (බොබ්ස්ලි), Curling (කර්ලින්), Ice Hockey (අයිස් හොකී), Nordic Skiing (නෝර්ඩික් ස්කිං), Military Patrol (මිලිටරි පැට්ට්‍රෝල්), Cross – Country Skiing (ක්‍රොස් කන්ටි‍්‍ර ස්කිං), Nordic Combined (නෝර්ඩික් කොම්බිනේඞ්), Ski Jumping (ස්කී ජම්පිං), Skating (ස්කේටින්), Figure Skating (ෆිගර් ස්කේටින්) සහ Speed Skating (ස්පීඞ් ස්කේටින්) යන ඒවා ය. කී‍්‍රඩා උළෙල 1924 සිට 1936 දක්වා සෑම වසර හතරකට වරක් පවත්වන ලදී. 1940 සහ 1944 දී දෙවන ලෝක මහා සංග‍්‍රාමය නිසා උළෙල නැවැත්වූ අතර 1948 දී නැවත ආරම්භ විය. 1992 දක්වා ගිම්හාන ඔලිම්පික් කී‍්‍රඩා සහ ශීත සෘතු ඔලිම්පික් කී‍්‍රඩා එම වසරේම පවත්වන ලද අතර, IOC විසින් 1986 දී ගිම්හාන ඔලිම්පික් කී‍්‍රඩා සහ ශීත ඔලිම්පික් කී‍්‍රඩා වෙනම සිවු අවුුරුදු චක‍්‍රවල ඉරට්ටේ සංඛ්‍යාත වර්ෂවල ස්ථානගත කිරීමට ගත් තීරණය අනුව 1992න් පසු මීළඟ ශීත ඔලිම්පික් කී‍්‍රඩා උළෙල පැවැත්වූයේ 1994 දීය.
IOC ය විසින් මෙවර 2022 ශීත සෘතු ඔලිම්පික් කී‍්‍රඩා උළෙල පැවැත්වීමට තෝරාගෙන ඇත්තේ චීනයේ බීජිං නගරයයි. එය 2022 පෙබරවාරි 4 වැනිදා සිට 20 වැනිදා දක්වා පැවැත්වේ. මෙයට කලින් මහාද්වීප තුනක පිහිටි රටවල් දොළහකින් ශීත සෘතු ඔලිම්පික් උළෙලට සත්කාරත්වය ලබාදී ඇත. 2020 වනවිට රටවල් දොළහක් සෑම ශීත ඔලිම්පික් කී‍්‍රඩා උළෙලකට ම සහභාගි වී ඇත. ඒවා නම්, ඔස්ටි‍්‍රයාව, කැනඩාව, ෆින්ලන්තය, ප‍්‍රංශය, මහා බි‍්‍රතාන්‍යය, හංගේරියාව, ඉතාලිය, නෝර්වේ, පෝලන්තය, ස්වීඩනය, ස්විට්සර්ලන්තය සහ ඇමරිකා එක්සත් ජනපදය යන රටවල් සමූහයයි. 1924 දී පැවැති ප‍්‍රථම කී‍්‍රඩා උළෙලේ දී ඇමරිකාවේ ‘‘චාල්ස් ජුට්‍රෝ’’ විසින් මීටර් 500 වේග ස්කේටින් ඉසව්වෙන් ප‍්‍රථම රන් පදක්කම දිනා ගනිමින් ඉතිහාසගත විය. ස්වීඩනයේ ගිලිස් ග‍්‍රැෆ්ස්ට්‍රොම් ගිම්හාන සහ ශීත සෘතු යන ඔලිම්පික් උළෙලවල් දෙකේදීම රන් පදක්කම දිනූ පළමු ඔලිම්පික් කී‍්‍රඩකයා බවට පත් විය. 1928 දී නෝර්වේහි 15 හැවිරිදි‘‘සොන්ජා හෙනී’’ කාන්තා ෆිගර් ස්කේටින් ජයග‍්‍රහණය කර ඇය ඉතිහාසයේ ළාබාලතම ඔලිම්පික් ශූරිය බවට පත්වූ අතර ඊළඟ ශීත සෘතු ඔලිම්පික් උළෙල දෙකේ දීම ඇයගේ ශූරතාවය ආරක්ෂා කර ගැනීමට ඇය සමත් විය. ගිලිස් ග‍්‍රැන්ස්ට්‍රෝම් ඔහුගේ තෙවැනි රන් පදක්කම ෆිගර් ස්කේටින් සඳහා පිට පිට ම තෙවරක් දිනාගත් අතර 1932 දී රිදී පදක්කම දිනා ගත්තේය. මේ දක්වාම එම වාර්තාව පවතී.
1960 දී ක්‍රොටීනා ඩී ඇම්පෙසෝ නම් උතුරු ඉතාලියේ නගරයේ පැවැති ශීත සෘතු ඔලිම්පික් උළෙල ප‍්‍රථම වරට රූපවාහිනියෙන් විකාශය විය. 1972 දී ජපානයේ සපෝරෝ හි පැවැති ශීත සෘතු කී‍්‍රඩා උළෙල ඇමරිකාව හෝ යුරෝපය හැර වෙනත් මහාද්වීපයක සත්කාරත්වය දැක්වූ පළමු අවස්ථාව විය. 2002 ශීත සෘතු ඔලිම්පික් උළෙල ඇමරිකා එක්සත් ජනපදයේ සෝලට්ලේක් සිටි හිදී පැවැත්විණි. ජාතික ඔලිම්පික් කමිටු 77කින් කී‍්‍රඩක කී‍්‍රඩිකාවන් 2399ක් කී‍්‍රඩා තරග 7කින් ඉසව් 78කට සහභාගි විය. මෙම කී‍්‍රඩා උළෙල 2001 සැප්තැම්බර් 11 ප‍්‍රහාරයෙන් පසුව සිදු වූ ප‍්‍රථම කී‍්‍රඩා උළෙල වූ අතර එයට ත‍්‍රස්ත ප‍්‍රහාර වළක්වා ගැනීමේ ඉහළම ආරක්ෂාවක් ලබාදී තිබුණි. එහි දී ජර්මානු ජාතික ජොර්ජ් හැක්ල් කේවල ඉසව්වෙන් රිදී පදක්කමක් දිනාගත් අතර ඔලිම්පික් ඉතිහාසයේ පිට පිට ම ඔලිම්පික් තරග පහකදී එකම කේවල ඉසව්වෙන් පදක්කම් දිනූ පළමු කී‍්‍රඩකයා බවට පත් විය. කැනඩාව පිරිමි සහ කාන්තා අයිස් හොකී රන් පදක්කම් දෙකම දිනා ගනිමින් වාර්තාවක් පිහිටු වීය.
2010 ශීත සෘතු ඔලිම්පික් උළෙල කැනඩාවේ වැන්කුවර් නගරයේ පැවැත් වූ අතර එය කැනඩාවේ දෙවන ශීත සෘතු ඔලිම්පික් උළෙල විය. ආරම්භක උත්සව දිනයේ දී පැවැති පුහුණු තරගයකදී ජෝර්ජියානු කී‍්‍රඩක නෝඩර් කුමරිටෂ්විලි මිය යෑම හේතුකොට ගෙන විස්ලර් ස්ලයිඩින් මධ්‍යස්ථානය ධාවන පථයේ සැලසුම වෙනස් කළේය. වැන්කුවර් කී‍්‍රඩා උළෙලේ දී රුසියානු කී‍්‍රඩක කී‍්‍රඩිකාවන්ගේ දුර්වලකම් කැපී පෙනුණි. 1956 සිට 2006 දක්වා සෝවියට් රුසියානු කී‍්‍රඩකයන් කිසි විටකත් පළමු පදක්කම් දිනූ රටවල් පහෙන් පිටත නොසිටි නමුත්, 2010 දී ඔවුන් මුළු පදක්කම්වලින් හයවැනි ස්ථානයට හා රන් පදක්කම්වලින් එකළොස්වැනි ස්ථානයට පත්විය. රුසියානු කණ්ඩායමේ දස්කම් අඩු වුවත් එහිදී ආසියානු කී‍්‍රඩක කී‍්‍රඩිකාවන් මුළු පදක්කම් තිස්එකක් දිනාගත් අතර ඉන් එකොළහක් රන් විය. 2018 ශීත සෘතු ඔලිම්පික් උළෙල දකුණු කොරියාවේ පියොංචැං හිදී පැවැත්වූ අතර විරසකව සිටින උතුරු හා දකුණු කොරියාව එහි සමාරම්භක උළෙලේ දී එකම කණ්ඩායමක් ලෙස ගමන් ගත්තේය. ඒ අතර කාන්තා අයිස් හොකී කණ්ඩායම සඳහා රටවල් දෙකේම කී‍්‍රඩිකාවන්ගෙන් සමන්විත ඒකාබද්ධ කණ්ඩායමක් ඉදිරිපත් කිරීමට එකඟ විය. නෙදර්ලන්ත කී‍්‍රඩක ස්වේන් කේ‍්‍රචර් පිරිමි මීටර් 5000 ඉසව්වේ රන් පදක්කම දිනාගත් අතර එකම ඔලිම්පික්් ඉසව්ව තුන් වරක් ජයගත් එකම පිරිමි වේග ලිස්සා යෑමේ කී‍්‍රඩකයා බවට පත් විය. ජොහැන්නස් හොස්ෆ්ලොට් ක්ලෙබෝ වයස අවුරුදු 21ක් වූ අතර කෙටි දුර ධාවන ඉසව්ව දිනාගත්විට දී රට හරහා ස්කින් ඉසව්වෙන් ඔලිම්පික් රන් පදක්කමක් දිනූ ළාබාලතම පිරිමි කී‍්‍රඩකයා බවට පත් විය. මෙතෙක් ඕනෑම ශීත සෘතු ඔලිම්පික් උළෙලක දී ජාතියක් ලබාගත් වැඩිම පදක්කම් සංඛ්‍යාවක් ලබාගත්තේ නෝර්වේ රටය.
2002 දී කී‍්‍රඩා උළෙල පැවැත්වීමේ අයිතිය ඇමරිකාවේ යූටා ප‍්‍රාන්තයේ අගනගරය වූ සෝල්ට් ලේක්සිටි වෙත පිරිනැමීමෙන් පසු එහි සංවිධායකවරුන් IOC නිලධාරීන්ගේ අනුග‍්‍රහය ලබා ගැනීම සඳහා අල්ලස් ක‍්‍රමයක නිරත වී ඇති බවට වාර්තා වුණි. සෝල්ට් ලේක්සිටි හි ලංසුව තක්සේරු කර ඡුන්දය ප‍්‍රකාශ කරන අයට තෑගි සහ වෙනත් මූල්‍ය සලකා බැලීම් ලබා දී ඇත. මෙම ත්‍යාගවලට ඥාතීන්ට වෛද්‍ය ප‍්‍රතිකාර, එක් සාමාජිකයකුගේ පුතෙකුට විශ්වවිද්‍යාල ශිෂ්‍යත්වයක් සහ යූටා හි ඉඩම් ගනුදෙනුවක් අඩංගු විය. IOC සභාපති ජුවාන් ඇන්ටෝනියෝ සමරන්ච් ට ඩොලර් 2000ක් වටිනා රයිෆල් දෙකක් තෑගි වශයෙන් ලැබී ඇත. පරීක්ෂණයේ ප‍්‍රතිඵලයක් ලෙස IOC සාමාජිකයන් 10දෙනකු නෙරපා හැරීමට සහ තවත් 10දෙනකු බඳවා ගැනීම සඳහා අවසර ලැබුණි. IOC සාමාජිකත්වය සඳහා නව කොන්දේසි සහ වයස් සීමාවන් ද ස්ථාපිත කරන ලද අතර, හිටපු ඔලිම්පික් කී‍්‍රඩකයන් 15දෙනකු කමිටුවට එක් කරන ලදී.
IOCයට අනුව, ශීත සෘතු ඔලිම්පික් උළෙලේ සත්කාරක නගරය…. කී‍්‍රඩා සැලසුම් කිරීම, ස්ථාන, මූල්‍ය, තාක්ෂණය, නවාතැන්, ආහාරපාන, මාධ්‍ය සේවා යනාදී කී‍්‍රඩාවල සියලූම අංශ සඳහා කාර්යයන් සහ සේවා ස්ථාපිත කිරීම සඳහා වගකිව යුතුය. මෙම කී‍්‍රඩා උළෙල පැවැත්වීමේ පිරිවැය හේතුවෙන් බොහෝ සත්කාර නගර කිසිවිටෙකත් ඔවුන්ගේ ආයෝජනයෙන් ලාභයක් නොලැබේ. අධික ණය සම්භාවිතාව අනාගත සත්කාරක නගරවලට බාධාවක් වන අතර, භාවිතයට නොගත් කී‍්‍රඩාංගණ සහ යටිතල පහසුකම් පිළිබඳ අපේක්ෂාව ප‍්‍රාදේශීය ප‍්‍රජාවට කිසිදු සැලකිය යුතු පශ්චාත් ඔලිම්පික් වටිනාකමක් නොමැතිව අනාගතයේ දී නඩත්තු කිරීමේ පිරිවැයක් ඇති කරයි. මෙම ගැටලූ අවම කිරීම සඳහා IOC විසින් යෝජනා කිහිපයක් කි‍්‍රයාත්මක කර ඇත. කී‍්‍රඩා උළෙල පැවැත්වීම සඳහා සත්කාරක නගරයේ අයවැයෙන් කොටසක් වෙත අරමුදල් සැපයීමට කොමිෂන් සභාව එකඟ වී ඇත.
1967 දී IOCය ඖෂධ පරීක්ෂණ කිරීමට පටන් ගත්තේය. 1968 ශීත සෘතු ඔලිම්පික් උළෙලේ දී අහඹු ලෙස කී‍්‍රඩක කී‍්‍රඩිකාවන් පරීක්ෂා කිරීමෙන් ඒවා ආරම්භ විය. තහනම් ද්‍රව්‍ය ගෙන හසු වූ පළමු ශීත සෘතු කී‍්‍රඩකයා වූයේ බටහිර ජර්මානු හොකී කී‍්‍රඩකයකු වූ ඇලෝයිස් ස්ලෝඩර් ය. නමුත් ඔහුට කණ්ඩායම සමඟ තරග කිරීමට අවසර ලැබුණි. 1999 නොවැම්බර් මාසයේ දී ලෝක තහනම් උත්තේජක මර්දන ඒජන්සිය (World Anti – Doping Agency – WADA) පිහිටුවීය. 2006 ටියුරින් හි පැවැති ශීත සෘතු ඔලිම්පික් උළෙල, රුධිර උත්තේජක භාවිතය, රුධිර පාරවිලයනය හෝ ඔක්සිජන් ප‍්‍රවාහය වැඩි දියුණු කිරීම සඳහා සහ තෙහෙට්ටුව අඩු කිරීම සඳහා ‘‘එරිත්රොපයිටින් Erythropoietin (EPO) වැනි කෘති‍්‍රම හෝමෝන භාවිත කිරීම සොයා ගන්නා ලදී. ඉතාලි පොලිසිය විසින් ඔස්ටි‍්‍රයානු ක්‍රෝස් – කන්ටි‍්‍ර ස්කී කණ්ඩායමේ නිවහනක් කී‍්‍රඩා උළෙල අතරතුර වැටලීමක් සිදුකරන ලද අතර එහිදී ඔවුන් විසින් රුධිර මාත‍්‍රණ නිදර්ශක සහ උපකරණ අත්අඩංගුවට ගන්නා ලදී. 2014 ශීත සෘතු ඔලිම්පික් උළෙලේදී සෝවියට් රුසියානු කී‍්‍රඩක කී‍්‍රඩිකාවන් 28දෙනකු තහනම් උත්තේජක ගෙන හසුවිය.
සීතල යුද්ධය ලොව සුපිරි බලවතුන් දෙදෙනා වූ ඇමරිකාවට සහ සෝවියට් රුසියාවට මිත‍්‍ර රටවල් අතර ආතතීන් ඇති කළේය. දෙවන ලෝක යුද්ධයේ දී එය නිර්මාණය කළ ජර්මනියට 1948 ශීත සෘතු ඔලිම්පික් තරගාවලියට තරග කිරීමට අවසර නොලැබුණි. 1950 දී IOC ය බටහිර ජර්මානු ඔලිම්පික් කමිටුව පිළිගත් අතර, 1952 ශීත සෘතු කී‍්‍රඩා උළෙලේ දී බටහිර හා නැෙඟනහිර ජර්මනියට ඒකාබද්ධ කණ්ඩායමක් ලෙස තරග කිරීමට ආරාධනා කළේය. නැෙඟනහිර ජර්මනිය එම ආරාධනය ප‍්‍රතික්ෂේප කළ අතර ඒ වෙනුවට බටහිර ජර්මනියෙන් වෙන්ව ජාත්‍යන්තර නීත්‍යානුකූලභාවය අපේක්ෂා කළේය. 1955 දී සෝවියට් සංගමය නැෙඟනහිර ජර්මනිය ස්වෛරී රාජ්‍යයක් ලෙස පිළිගත් අතර එමගින් ඔලිම්පික් උළෙලේ ස්වාධීන සහභාගිවන්නකු වීමේ නැෙඟනහිර ජර්මනියේ ව්‍යාපාරයට වැඩි විශ්වසනීයත්වයක් ලබා දුන්නේය. 1962 දී නැෙඟනහිර ජර්මනිය විසින් බර්ලින් තාප්පය ඉදිකරන ලද අතර බටහිර යුරෝපීය ජාතීන් නැෙඟනහිර ජර්මානු කී‍්‍රඩක කී‍්‍රඩිකාවන්ට වීසා බලපත‍්‍ර දීම ප‍්‍රතික්ෂේප කිරීමට පටන් ගත්විට තත්ත්වය දුර්වල විය. මෙවිට IOC විසින් නිල වශයෙන් කණ්ඩායම් දෙකඩ කර නැෙඟනහිර ජර්මානු කී‍්‍රඩක කී‍්‍රඩිකාවන්ට වීසා බලපත‍්‍ර දීම ප‍්‍රතික්ෂේප කරන ඕනෑම රටක සත්කාරක නගර ලංසු ප‍්‍රතික්ෂේප කරන බවට දැනුම් දෙන ලදී.
1980 දී ලේක් ප්ලැසිඞ් හි පැවැති ශීත සෘතු ඔලිම්පික් උළෙලට සහභාගි නොවීමට තායිවානය තීරණය කරනවිට ශීත සෘතු කී‍්‍රඩා උළෙල වර්ජනය කර ඇත්තේ එක් ජාතික කණ්ඩායමක් පමණි. කී‍්‍රඩා උළෙලට පෙර, IOC ය 1952න් පසු ප‍්‍රථම වරට ඔලිම්පික් තරග සඳහා චීනයට තරග කිරීමට අවසර දීමට එකඟ විය. චීනයට ‘‘මහජන සමූහාණ්ඩුව’’ (PRC) ලෙස තරග කිරීමට සහ PRC ධජය සහ ජාතික ගීය භාවිත කිරීමට අවසර ලබාදෙන ලදී. 1980 වනතෙක් තායිවාන් දූපත ‘‘චීන ජනරජය’’ (ROC) යන නාමයෙන් තරග වදින අතර ROC ධජය සහ ගීය භාවිත කර ඇත. IOC රටවල් එකට තරග කිරීමට උත්සාහ කළ නමුත් මෙය පිළිගත නොහැකි බව ඔප්පු වූවිට IOC ඉල්ලා සිටියේ තායිවානය ‘‘චීන ජනරජය’’ ලෙස හැඳින්වීම නතර කරන ලෙසයි. IOC ය තායිවානය ‘‘චයිනීස්තායිපේ’’ ලෙස නම් කළ අතර එය වෙනස් ධජයක් සහ ජාතික ගීයක් අනුගමනය කරන ලෙස ඉල්ලා සිටි අතර එයට තායිවානය එකඟ නොවීය. තායිවාන කී‍්‍රඩක කී‍්‍රඩිකාවන් චීන ජනරජයේ හැඳුනුම්පත් රැගෙන ඔලිම්පික් ගම්මානයට පැමිණිවිට ඔවුන්ව ඇතුළත් කර ගත්තේ නැත. පසුව ඔලිම්පික් උළෙලේ සමාරම්භක උත්සවයට පෙර විරෝධතාවක් දක්වමින් ඔවුන් පිටව ගියහ. තායිවානය 1984 සරජේවෝ හි පැවැති ශීත සෘතු කී‍්‍රඩා උළෙලේ දී චීන තායිපේ ලෙස ඔලිම්පික් තරගයට නැවත පැමිණියේය. ඔවුන්ගේ ජාතික ඔලිම්පික් කමිටුවේ ලාංඡනය සහිත ධජයක් යටතේ තරග කිරීමට සහ ඔවුන්ගේ කී‍්‍රඩකයකු රන් පදක්කමක් දිනා ගන්නේ නම් ජාතික ඔලිම්පික් කමිටුවේ ගීය වාදනය කිරීමට රට එකඟ විය. ගිවිසුම අද දක්වාම පවතී.
1992 සිට ශීත සෘතු ඔලිම්පික් වැඩසටහනට නව කී‍්‍රඩා ගණනාවක් එකතු කර කෙටි ධාවන පථයේ වේග ලිස්සා යෑම (Short Track Speed Skating), හිම මත ලිස්සා යෑම (Snowboarding), නිදහස් ආර (Freestyle) සහ මොගල්ස් ස්කිං (Moguls Skiing) යන තරග ඇතුළත් වේ. මෙම අලූත් තරග ඇති කිරීම යුරෝපයෙන් සහ උතුරු ඇමරිකාවෙන් ඔබ්බට ශීත ඔලිම්පික් උළෙලේ ආකර්ශනය පුළුල් කර ඇත. නෝර්වේ සහ ජර්මනිය වැනි යුරෝපීය බලවතුන් තවමත් සාම්ප‍්‍රදායික ශීත ඔලිම්පික් කී‍්‍රඩාවල ආධිපත්‍යය දරන අතර, දකුණු කොරියාව, ඔස්ටේ‍්‍රලියාව සහ කැනඩාව වැනි රටවල් නව කී‍්‍රඩාවල සාර්ථකත්වය සොයා යයි. එහි ප‍්‍රතිඵලය වනුයේ ශීත සෘතු ඔලිම්පික් තරග සඳහා වැඩි උනන්දුවක් දැක්වීමයි.
බොහෝ රටවල් තම දේශපාලන ක‍්‍රමයේ උසස් බව ප‍්‍රකාශ කිරීමට ගිම්හාන ඔලිම්පික් කී‍්‍රඩා උළෙල වගේම ශීත සෘතු ඔලිම්පික් කී‍්‍රඩා උළෙලත් යොදාගෙන ඇති බව පෙනේ.
- 2018 ශීත සෘතු ඔලිම්පික් උළෙල පැවැත්වූයේ දකුණු කොරියාවේ කඳුකර පළාතක පිහිටි පියොංචැං (Pyeongchang) හිදීය. පරේෂ් (Paresh) නම් කාටුන් ශිල්පියා විසින් නිර්මාණය කරන ලද කාටුනයේ දැක්වෙන්නේ ස්කී ජම්පින් (Ski Jumping) කී‍්‍රඩාවේ නියැළී සිටින කී‍්‍රඩකයන් දෙදෙනෙකි. ඉදිරියට පැමිණි කී‍්‍රඩකයා උතුරු කොරියානු නායක කිම් – ජොන් – අන් ලෙස දක්වා ඇති අතර එම කී‍්‍රඩකයා කී‍්‍රඩාව සඳහා දෙකකුලේ පළඳින හිම මත ලිස්සා යෑමේ උපකරණ දෙක වෙනුවට මිසයිල දෙකක් දෙකකුලේ රඳවාගෙන ඇත. මේ කී‍්‍රඩකයා කී‍්‍රඩා පිම්ම පනින්නේ එම කී‍්‍රඩාව සඳහා උපයෝගී කර ගැනීමට සාදා ඇති වේදිකාවේ කොටසක් ද කඩා ගෙනය. උතුරු කොරියාව මේ වනවිට දුර විදුම් මිසයිලවලින් සන්නද්ධ වී ඇත. කාටුන් ශිල්පියා පෙන්වා දෙන්නේ උතුරු කොරියානු නායකයාගේ මිසයිල බලයයි.
- ඇමරිකා එක්සත් ජනපදය විසින් චීනයේ බීජිං හි පවත්වන ශීත සෘතු ඔලිම්පික් උළෙල රාජ්‍ය තාන්ති‍්‍රකව වර්ජනය කිරීමට G7 සමුළුවේ ආරක්ෂක සංවිධානය සහ අද චීනයේ මානව හිමිකම් උල්ලංඝනය කිරීම පිළිබඳව කටකතා පතුරවමින් සිටින ජෝ බයිඩන් ජනාධිපතිවරයාගේ පරිපාලනයේ ප‍්‍රචාරණයන් විවේචනය කිරීමට චීනයේ China Daily පුවත්පතට ජින්. ඩිං විසින් (Jin Ding) මෙම කාටුන් නිර්මාණය ඉදිරිපත් කර තිබුණි. හිම මත ලිස්සා යෑමේ තරගයට සහභාගි වී ඇත්තේ ඔලිම්පික් ලාංඡනයයි. කී‍්‍රඩකයා පිම්මක් පැන එමින් සිටී. මේ අතර ඇමරිකාව සංකේතවත් කරන අංකල් සෑම් නම් කාටුන් චරිතය ‘‘දේශපාලනය’’ (Politics) නම් පුවරුවක් පිම්ම පැන එන කී‍්‍රඩකයාට පෙන්වයි. මෙම කාටුනය මගින් කාටුන් ශිල්පියා පෙන්වා දෙන්නේ කී‍්‍රඩාවට අත පොවන ඇමරිකානු දේශපාලනයයි.
- ඇමරිකා එක්සත් ජනපදයේ සමහර මාධ්‍ය ආයතන හා දේශපාලනඥයන් 2022 බීජිං ශීත සෘතු ඔලිම්පික් උළෙල සඳහා රාජතාන්ති‍්‍රක වර්ජනයක් ඉල්ලා ඇත. මෙම කාටුනය එම කාරණාව සම්බන්ධයෙන් නිර්මාණය වූවකි. කාටුනයේ දඩබ්බර මිනිසකු හා අහිංසක මිනිසකු පෙන්වාදී ඇත. දඩබ්බරයා ඇඳ ඇති ටීෂර්ට් එකේ ‘‘මට තනියම හිතන්න පුළුවන්’’ (I Can Think On My Own) යනුවෙන් පින්තාරු කර ඇත. ඔහු කියනවා අහිංසක මිනිසාගේ පපුවට ඇඟිල්ල තියා….. ‘‘2022 බීජිං ශීත සෘතු ඔලිම්පික් තරග වර්ජනය කරන්න’’ කියා (Boycott Beijing 2022 Winter Olympic) ඒ අතර දඩබ්බරයාගේ හිසේ උඩු කොටස ගලවා ඔහුගේ මොළය ‘‘බටහිර මාධ්‍ය’’ (Western Media) නම් අඬුවක් මගින් ගලවා ගනී. මෙය දුටු අහිංසක මිනිසා හිතනවා ‘‘ඔබේ මොළය දැන් කොහෙ ද?’’ කියා (Where is Your Brain right now?) බීජිං ශීත සෘතු ඔලිම්පික් උළෙල වර්ජනය කරන්න කියන්නේ බටහිර මාධ්‍ය මගින් මෙහෙයවන මොළයක් නොමැති මිනිසුන් පිරිසක් බව මේ කාටුන් ශිල්පියා පෙන්වා දෙයි.
- ඇමරිකාවේ කොලරාඩෝ ප‍්‍රාන්තයේ අගනගරය වූ ඩෙන්වර් 1976 ශීත සෘතු ඔලිම්පික් උළෙලේ සත්කාරත්වය සඳහා ජයග‍්‍රාහී ලංසුව ඉදිරිපත් කළ නමුත් පසුව ඉවත් වූ අතර, ඔලිම්පික් උළෙළ පැවැත්වීමේ ලංසුව ජයග‍්‍රහණය කිරීමෙන් පසු ඉවත් වූ එකම නගරය වීමේ ගෞරවය ඩෙන්වර් නගරයට හිමිවිය. පසුව 1976 ශීත සෘතු ඔලිම්පික් උළෙල පැවැත්වූයේ ඔස්ටි‍්‍රයාවේ ඉන්ස්බෲක් නගරයේදීය. මේ සිදුවීම පිළිබඳව එල්ටා හල්මේ (Elta Hulme) විසින් නිර්මාණය කරන ලද මේ කාටුනය, ඇමරිකාවේ ටෙක්සාස් විශ්වවිද්‍යාලයේ පුස්තකාලයේ ඇති සංරක්ෂිත කාටුනයකි. කාටුනයේ දැක්වෙන්නේ 1976 ශීත සෘතු ඔලිම්පික් උළෙලට හිම මත ලිස්සා යෑමේ තරගයට ඉදිරිපත් වූ කාන්තාවකගේ චිත‍්‍රයකි. ඇය හිම ගොගල්ස් ද පැළඳ ඇත. ස්කාෆ් එකේ “76 Winter Olympic” යනුවෙන් ඇත. බෑවුමක් බැස එනවිට ඉදිරියෙන් ඇති පුවරුවක් දකී. එහි ලියා ඇත්තේ ‘‘කොලරාඩෝ බෑවුම වසා ඇත’’ යනුවෙනි (Colorado Slope Closed) කොලරාඩෝ බෑවුම වශයෙන් මෙහි අර්ථ දක්වා ඇත්තේ ඩෙන්වර් නගරයයි. කොලරාඩෝ බෑවුම වසා ඇත්නම් ඩෙන්වර් නගරයේ ශීත සෘතු ඔලිම්පික් උළෙලක් ද නැත.
- බෘකස් ප්ලාන්ටේ (Bruce Plante) ගේ කාටුනයේ දැක්වෙන්නේ 2018 දී දකුණු කොරියාවේ පැවැති ශීත සෘතු ඔලිම්පික් කී‍්‍රඩා උළෙලේ ආරම්භක උළෙලේ දී දකුණු කොරියා නායක මූන් ජේ ඉන් ඔලිම්පික් පහන දල්වා එය දැල්වූ ඔලිම්පික් පන්දම උඩට ඔසවා ගෙන සිටින ආකාරයයි. පහනේ ගිනි දැල්ලේ ‘‘ඔලිම්පික් ආත්මය’’ (Olympic Spirit) යනුවෙන් ලියා ඇත. ඒ අතර අනෙක් පස උතුරු කොරියා නායක කිම් ජෝන් අන් අයිස් ICE බෑගයක් උඩට ඔසවා ගෙන සිටී. මේ ඔහු සැරසෙන්නේ අයිස් දමා ඔලිම්පික් ආත්මය නිවා දැමීමට ද? ඒ කාටුන් ශිල්පියාගේ අදහසය.
[email protected]
රුවන් තරස්වින්
