බද්දේගම ප්‍රදේශයේ ගිංගඟ ආශ්‍රිත පහත් බිම්වල වෙසෙන පවුල් 276ක් වහාම ආරක්ෂිත ස්ථාන වෙත යොමුකර ඇති බව වාර්තා වේ.ගිංගඟේ ජල මට්ටම බද්දේගම ප්‍රදේශයෙන් ඉහළ ගොස් ඇති බැවින් පහත් බිම් ප්‍රදේශ යට වීමේ අවදානම හේතුවෙන් ඊයේ (07) රාත්‍රියේ අදාළ ජනතාවට ඉවත් වන ලෙසට දිස්ත්‍රික් ලේකම් ශාන්ත වීරසිංහ මහතා දැනුම් දී තිබිණි.එමෙන්ම නිල්වලා ගඟ මාතර ගල් බැම්ම ප්‍රදේශයෙන් පිටාර ගලමින් පවතින අතර, මේ හේතුවෙන් මාතර නගරය ඇතුළු ග්‍රාමසේවා වසම් 16කට පමණ බලපෑම් එල්ල විය හැකි බව මාතර දිස්ත්‍රික් ලේකම් වයි.වික්‍රමසිරි මහතා පවසයි.මාතර දිස්ත්‍රික්කයේ පවතින ආපදා තත්වය හේතුවෙන් පුද්ගලයන් 65,000ක පමණ පිරිසක් පීඩාවට පත් ව සිටින බව දිස්ත්‍රික් ලේකම්වරයා සඳහන් කරයි.
