යාපනය සහ චෙන්නායි අතර ගුවන් ගමන් වාර වැඩි කිරීමට තීරණය කර ඇතැයි ඉන්දීය සිවිල් ගුවන් සේවා ඇමති ජෝතිර් ආදිත්‍යා සින්දියා මහතා ට්විටර් පණිවිඩයක් නිකුත් කරමින් පවසයි. ඒ අනුව මෙම මස 16 වැනිදා සිට සතියකට ගුවන් ගමන් වාර හතර වරක් ක්‍රියාත්මක කරන බව ද සදහන් කරයි. දිනපතා චෙන්නායි සහ යාපනය අතර ක්‍රියාත්මක ගුවන් ගමන් හරහා වෙළෙද හා වාණිජ කටයුතු සිදුවේ. මෙම නව ගුවන් ගමන් වාර හරහා සංචාරක කර්මාන්තය ද ප්‍රවර්ධනය කිරීමට බලාපොරොත්තු වන බව ද සින්දියා මහතා පවසයි. ඉන්දීය සංචාරක නියෝජිතවරුන්ගේ සංගමයේ 67 වැනි සංවත්සරය ද ඉකුත්දා බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්විණි. දෙරට අතර පවතින ශක්තිමත් වෙළෙද හා සංස්කෘතික සබදතාව තවදුරටත් ප්‍රවර්ධනය කිරීම මෙහි අරමුණ බවද ඔහු සඳහන් කරයි. ඒ සදහා දෙරට අතර සංචාරය නිදහස් වීසා පහසුකම ද මෙම මස 24 වැනිදා සිට ආරම්භ කිරීමට නියමිතය.
