ප්‍රවාහන රාජ්‍ය අමාත්‍ය ලසන්ත අලගියවන්න මන්ත්‍රීවරයාගේ ආරාධනයක් මත ලංකා ඔටෝ මොබයිල් සංගමයේ (AAC) නියෝජිතයන් වන ධම්මික ආටිගල (සභාපති), කීර්ති ගුණවර්ධන (උප සභාපති), පියංකර ජයරත්න (උප අනුශාසක) සහ දේවප්‍රිය හෙට්ටිආරච්චි (ලේකම්) යන මහත්වරුන්ගෙන් සමන්විත හමුවක් ප්‍රවාහන අමාත්‍යාංශයේදී පැවැත්විණි.
මෙම සාකච්ඡාවේ අරමුණ වූයේ එම සංගමය විසින් සපයනු ලබන සේවාවන් සහ පහසුකම්, මාර්ග ආරක්‍ෂණ ව්‍යාපෘති සම්බන්ධයෙන් සංගමයේ ඉදිරි සැලසුම් පිළිබඳව සොයා බැලීමයි. සංගමය විසින් ඔවුන්ගේ පහසුකම් සහ සේවා පිළිබඳ power point ඉදිරිපත් කිරීමක් ලබාදුන් අතර ඔවුන් මෝටර් රථ හිමියන්ගේ හඬ බවත් ඔවුන්ගේ ආදර්ශ පාඨය ‘මෝටර් රථ සහකරු’ බවත් කියා සිටියේය.
ඔවුන් 2010-2020 එක්සත් ජාතීන්ගේ ක්‍රියාකාරී දශකයේ නියැළෙන බව සංගමය අවධාරණය කළේය. 2021-2030 දක්වා දීර්ඝ කර ඇති අතර ඔවුන් වාර්ෂිකව අවම වශයෙන් මාර්ග ආරක්‍ෂණ ව්‍යාපෘති එකක් හෝ දෙකක් සිදුකර ඇත. මාර්ග ආරක්‍ෂාව පිළිබඳ ව්‍යාපෘති රියැදුරන් සඳහා පමණක් නොව පාසල් සිසුන් ඇතුළු සියලුම මාර්ග භාවිත කරන්නන් සඳහා වැඩමුළු සහ සම්මන්ත්‍රණ ඇතුළත් වේ. අනාගත මාර්ග ආරක්‍ෂණ ව්‍යාපෘති වැඩසටහන් සඳහා අවශ්‍ය වන මාර්ග සිතියමක් ඊට අදාළ අමාත්‍යාංශය සඳහා ලබාදෙන ලෙස රාජ්‍ය අමාත්‍යවරයා එම සංගමයට යෝජනා කළේය.
මේ වනවිට මාර්ග අනතුරු සහ මරණ හා තුවාල සම්බන්ධයෙන් පොලිස් දෙපාර්තමේන්තුව, රක්‍ෂණ සමාගම්, මාර්ග සංවර්ධන අධිකාරිය, මෝටර් රථ ප්‍රවාහන දෙපාර්තමේන්තුව සහ ජාතික මාර්ග ආරක්‍ෂාව පිළිබඳ සභාව විසින් රැස්කරන ලද දත්ත වාර්තාවී ඇති නමුත් එය නොමැති බව ද ඔහු පෙන්වා දුන්නේය. මෙම දත්තවලින් අනුකූලතාව සහ නිරවiතාවය වගකිවයුතු ආයතනයකින් නිවැරදි දත්ත ලබාදිය හැකි වන පරිදි මේ සඳහා මෘදුකාංගයක් සකස් කිරීමට සංගමයට හැකි දැයි ඔහු විමසා සිටියේය. මෝටර් රථ ප්‍රවාහන දෙපාර්තමේන්තුව ඔවුන්ගේ සේවාවන් දීර්ඝ කිරීමට අදහස් කරන බවත් විදේශිකයන්ට ශ්රී ලංකාවේ රිය පැදවීම සඳහා තාවකාලික රියැදුරු බලපත්‍රයක් නිකුත් කිරීම සඳහා කටුනායක ගුවන් තොටුපළ පැමිණීමේ පර්යන්තයේ කවුළුවක් පිහිටුවීමට යෝජනා කළ බවත් රාජ්‍ය අමාත්‍යවරයා පැවසීය.
