ආසියානු කුසලාන ක්‍රිකට් තරගාවලියේ සුපිරි වටයේ තරග සියල්ල කොළඹ ආර් ප්‍රේමදාස ක්‍රීඩාංගනයේ දී පැවැත්වීමට ආසියානු ක්‍රිකට් කවුන්සිලය ඊයේ නැවත තීරණය කර ඇත.පවතින වැසි සහිත කාලගුණය නිසා මෙම තරග හම්බන්තොට සූරියවැව ක්‍රීඩාංගණයෙහි පැවැත්වීමට අවධානය යොමු කර තිබුණි.නමුත් ඉදිරි දින කිහිපයේදී කොළඹට වැසි අඩු විය හැකි බව කාලගුණ විද්‍යා දෙපාර්තමේන්තුවේ වාර්තා සැලකිල්ලට ගෙන මෙම තීරණය ගෙන තිබේ. ඒ අනුව ලබන 09 වැනිදා සිට සුපිරි වටයේ තරග 05 සහ අවසන් මහා තරගය ආර් ප්‍රේමදාස ක්‍රීඩාංගනයේ දී පැවැත්වීමට නියමිතය.
