ශ්‍රී ලංකා ක්‍රිකට් සභාපතිගේ කණ්ඩායම සහ සංචාරක පාකිස්ථාන කණ්ඩායම අතර පැවැති දෙදින පුහුණු තරගය ඊයේ (12 වැනිදා) ජය පරාජයෙන් තොරව නිමා විය.
පළමු දිනය නිමා වන විට කඩුලු 3 ක් දැවී ලකුණු 165 ක් ලබා ගෙන සිටි පාකිස්ථාන කණ්ඩායම පළමු ඉනිම සඳහා ලකුණු 342 ක් වාර්තා කළ අතර ඉන්පසු දෙවන ඉනිම ඇරඹූ ශ්‍රී ලංකා සභාපතිගේ කණ්ඩායම කඩුලු 4 ක් දැවී ලකුණු 88 ක් රැස් කරගෙන සිටියදී තරගය අවසන් විණි.
පාකිස්තානය වෙනුවෙන් බාබර් අසාම්, ශාන් මසූඩ් සහ සල්මන් අලි අගා අර්ධ ශතක වාර්තා කළ අතර ලක්ෂිත මානසිංහ කඩුලු 4 ක් දවා ගත්තේය. ප්‍රවීන් ජයවික්‍රම කඩුලු දෙකකින් දායකත්වය දුන්නේය.
