මත්ද්‍රව්‍ය ජාවාරම් හා සංවිධානාත්මක අපරාධ කල්ලි සාමාජිකයෙකු වන බඩෝවිට අසංකගේ ගෝලයෙකු හෙරොයින්, කේරළ ගංජා සහ ආයුධ රැසක් සමඟ පොලිස් විශේෂ කාර්ය බළකාය විසින් අත්අඩංගුවට ගෙන තිබේ.යුක්තිය මෙහෙයුමට සමගාමී ව ඊයේ (06) සිදු කළ වැටලීමකින් සැකකරු අත්අඩංගුවට ගෙන ඇත.අත්අඩංගුවට ගන්නා අවස්ථාවේ දී සැකකරු සන්තකයේ හෙරොයින් ග්‍රෑම් 06ක්, කේරළ ගංජා ග්‍රෑම් 10ක්, මුදල් රුපියල් 467,000ක්, කඩු 05ක් සහ උල් ආයුධයක් ද තිබුණු බව වාර්තා වේ.සැකකරු දෙහිවල ප්‍රදේශයේ පදිංචි වයස අවුරුදු 35ක පුද්ගලයෙකි.
