ලබන මහ කන්නයේ දී සියලු‍ම ගොවීන්ට පොහොර මිල දී ගැනීම සඳහා වවුචර්පත් වෙනුවට ගොවි ගිණුම්වලටම මුදල් නිකුත් කිරීමට රජය තීරණය කර තිබේ. ඒ අනුව ගොවි ජනතාවට තම කැමැත්ත පරිදි පුද්ගලික අංශයෙන් හෝ රජයේ පොහොර සංස්ථාවන් මගින් රසායනික පොහොර හෝ කාබනික පොහොර මිල දී ගැනීමට පිළිවන.
එසේම එළැඹෙන 2023/24 මහ කන්නයේ දී තවත් එක් රසායනික පොහොර වර්ගයක් නොමිලයේ වී වගා කරන ගොවි ජනතාවට ලබා දීමට කටයුතු කරන බව කෘෂිකර්ම අමාත්‍ය මහින්ද අමරවීර මහතා පැවසීය.
