ලිට්‍රෝ සමාගම 2023 වර්ෂයේ ලැබූ ලාභාංශවලින් රුපියල් බිලියන 3ක් රජයට ගෙවන බව ලිට්‍රෝ සමාගමේ සභාපති මුදිත පීරිස් මහතා ඊයේ (26 දා) පැවසීය.
ඒ මහතා එසේ පැවසුවේ කොළඹදී පැවති විශේෂ ප්‍රවෘත්ති සාකච්ඡාවකදීය.
ලිට්‍රෝ සමාගම හැටියට අපි නැවත වතාවක් 2023 වර්ෂයේ ලාභාංශ විදිහට රුපියල් බිලියන 3ක් ගෙවන්න තීරණය කළා. ඒ අනුව රජයට අපි රුපියල් බිලියන 3 ක මුදලක් ලාභාංශ විදිහට ගෙවනවා.
මම මේ සමාගමේ වැඩ භාරගන්න කොට අවුරුද්දකට එකහමාරකට උඩදී රුපියල් බිලියන 14 ක විතර පාඩුවක් වෙලා තිබුණා. ඒ එක්කම රුපියල් බිලියන 10 කට ආසන්න ගාණක් ණය වශයෙන් තිබුණා. අපිට පුළුවන් වුණා ණය පියවගන්න අතරම යම්කිසි සහනදායී තැනක මිල පරාසයන් තබාගන්නා අතරම ණයත් ගෙවලා ඉවර කරන්න. පාඩුව පියවන්න. ඒ එක්කම බිලියන 7 ක් විතර ලාභයක් ලිට්‍රෝ සමාගම හැටියට ලබන්නත් පුළුවන් වුණා.
කොයි තරම් අභියෝග තිබුණත් ‘ලිට්‍රෝ ගෑස් ඉතිහාසයේ වැඩිම ලාභය ලබපු වර්ෂය විදිහට තමයි 2023 සනිටුහන් වෙන්නේ.
ප්‍රදීප් ප්‍රසන්න සමරකෝන්
