මහනුවර හන්තාන අධි සංරක්ෂිත කඳු රක්ෂිත කලාපයේ සිකුරාදා (22දා) පස්වරුවේ හටහත් හදිසි ගිනි ගැනීම් තත්ත්වයක් හේතුවෙන් විශාල ප්‍රදේශයක් විනාශයට පත්වී ඇති බව ප්‍රදේශවාසීන් පවසයි.
මහනුවර හන්තාන නිවාස සංවර්ධන අධිකාරියට අයත් මෙම රක්ෂිත ඉඩමේ හටගත් ගින්න හේතුවෙන් අක්කර පහක පමන ප්‍රදේශයක් විනාශයට පත් වී ඇති බවත්, එම රක්ෂිතයේ ජීවත්වෙන වනසතුන්ගේ ජීවිතවලට මෙය විශාල තර්නයක් වී ඇති බවත් ප්‍රදේශවාසීන් පෙන්වා දෙයි.
මෙම ගින්න කිසියම් පුද්ගලයෙක් හෝ කණ්ඩායමක් විසින් සිදු කරන ලද ගිනි තැබීමක් විය හැකි බවට ප්‍රදේශවාසීන් සැක පල කරන අතර මේ ගින්න හේතුවෙන් වන සතුන් හා ශාක දැඩි විනාශයට පත්ව ඇත.
ජානක සම්පත් බණ්ඩාර – ගුන්නෑපාන
