ඉන්දියාව පසුගිය වසර නවය තුළ බුදුදහම අනුගමනය කරමින් විශාල ප්‍රගතියක් ලබා ඇතැයි ඉන්දීය අග්‍රාමාත්‍ය නරේන්ද්‍ර මෝදි මහතා පැවසීය.අග්‍රාමාත්‍යවරයා මේ බව පැවසුවේ ඉකුත් 20 වැනිදා නවදිල්ලි නුවරදී ආරම්භ වූ 2023 වසරේ ගෝලීය බෞද්ධ සමුළුවේ සමාරම්භක දේශණය පවත්වමිනි. එහිදී අග්‍රාමාත්‍යවරයා වැඩිදුරටත් අදහස් දක්වමින් මෙසේ ද පැවසීය.ඉන්දියාව න්‍යායික, ප්‍රායෝගික හා යථාර්ථවාදී මාවත ඇතුළුව බුද්ධ ඉගැන්වීම් අනුගමනය කර ඇත. ගෝලීය බෞද්ධ සමුළුව ඉන්දියාවේ 75 වැනි නිදහස් සමරුවේ අම්රිත් මහෝත්සවය සැමරීමට සමගාමීව පවත්වනු ලබයි.ඉන්දියාව සංවර්ධිත රටක් බවට පත්කිරීම සඳහා අම්රිත් කාලය තුළ ඉදිරියට යමින් සිටී.ඉන්දියාව පමණක් නොව මුළු මහත් ලෝකයේම සුභ සාධනය සදහා අධිෂ්ඨානය කර ඇත.අපට සතුට වැළද ගත හැක්කේ ජයග්‍රහණය,පරාජය, ගැටුම් සහ යුද්ධය පිලිබඳව අවබෝධය අත්හැරියොත් පමණි. බුදුන්වහන්සේ මින් මිදීමේ මාර්ගය කියාදී ඇත. සතුරුකම ආදරයෙන් මිස සතුරුකමින් නැතිව නොහැකිය. සැබෑ සතුට පවතින්නේ සාමයෙන් එකට ජීවත්වීම තුළය. අපට ලෝකය සතුටු කිරීමට අවශ්‍ය නම් මම, ලෝකය සහ පටු චින්තනය අත්හැරීමේ එකම මාර්ගය යන බුදුන් වහන්සේගේ මන්ත්‍රය ඇතුළත් කළ යුතුය. බුදුන් වහන්සේගේ මාර්ගය අනාගත මාර්ගයයි. එය තිරසාර මාර්ගයයි .ලෝකය බුදු දහම අනුගමනය කළහොත් කාලගුණ වෙනස්වීම් වැනි අර්බුදය ඉදිරියේදී අපට ඇති නොවේ. මේ අර්බුද පැමිණියේ මක්නිසාදයත් පසුගිය ශත වර්ෂයේ දී ඇතැම් රටවල් අනෙක් රටවල් ගැන නොසිතීමය. අනාගත පරපුර ගැන නොසිතීම ය ලෝකයේ විවිධ රටවල් සාම මෙහෙයුම් කරන්නේ තුර්කියේ භූ කම්පන විපත් හා සමානවය. ඉන්දියාව සෑම අර්බුදයකදී ම මනුෂ්‍යත්වය සමග සිටී. මව් භාවය සමග එහි පූර්ණ හැකියාව යොදවනවා.
