එයාර් වයිස් මාර්ෂල් උදේනි රාජපක්ෂ මහතා ශ්‍රී ලංකා ගුවන් හමුදාවේ නව මාණ්ඩලික ප්‍රධානී ලෙස පත් කර තිබේ. 1969 වසරේ උපත ලද එයාර් වයිස් මාර්ෂල් උදේනි රාජපක්ෂ, ගම්පහ බණ්ඩාරනායක විද්‍යාලයේ සහ කොළඹ ආනන්ද විද්‍යාලයේ ආදි ශිෂ්‍යයෙකි. 1988 ඔක්තෝබර් 06 වැනි දින, 6 වැනි නිලධාරී ශිෂ්‍යභට බඳවාගැනීම් අංශයේ කැඩෙට් නිලධාරියකු ලෙස රත්මලාන කොතලාවල ආරක්ෂක ඇකඩමියට එක්වූ ඔහු, පසුව කොතලාවල ආරක්ෂක විද්‍යාපීඨයේ මූලික සටන් පුහුණුව, ශ්‍රී ලංකා ගුවන් හමුදා අනුරාධපුර කඳවුරේ අංක 1 පියාසර පුහුණු ලබා, 33 වැනි ගුවන් ශිෂ්‍යභට පාඨමාලාවේ දක්ෂතම ගුවන් ශිෂ්‍ය භටයා බවට පත්විය. අනතුරුව ඔහු උසස් පියාසර පුහුණුව අංක 2 බලඝණය, ශ්‍රී ලංකා ගුවන් හමුදා රත්මලාන කඳවුරේදී ලබා ගත්තේය.
එයාර් වයිස් මාර්ෂල් රාජපක්ෂ ප්‍රභූ සහ සුවිශේෂ පුද්ගල ප්‍රවාහනය සම්බන්ධ නියමුවකු වන අතර, ගුවන් යානා වර්ග 10ක් පියාසර කිරීම සඳහා සුදුසුකම් ලබා ඇත. සටන් සහ ප්‍රවාහනය සඳහා පියාසර කරන පැය 7000කට වඩා වැඩි කාලයක් රැස් කරගෙන ඇති එයාර් වයිස් මාර්ෂල් රාජපක්ෂ, ඉහළම උපකරණ ශ්‍රේණිගත කිරීම දරණ නිලධාරියෙකි.
එයාර් වයිස් මාර්ෂල් රාජපක්ෂ 2020 වසරේ අණදෙන නිලධාරියා ලෙස චීන වරාය ගුවන් හමුදා විද්‍යාපීඨයට අණ දුන් අතර නැගෙනහිර පළාත් ගුවන් හමුදා අණදෙන නිලධාරී ලෙස පත් කරන ලදි. අනතුරුව ඔහු කටුනායක ගුවන් හමුදා කඳවුරු අණදෙන නිලධාරී, දක්ෂිණ ගුවන් හමුදා අණදෙන නිලධාරී සහ සමස්ත මෙහෙයුම් අණදෙන නිලධාරි (ගුවන් ආරක්ෂක) ලෙස කටුනායක ගුවන් හමුදා කඳවුරේ සේවා කාලය තුළ වගකීම් භාර ගත්තේය. ඔහු 2022 මාර්තු 18 සිට බලපැවැත්වෙන පරිදි ගුවන් මෙහෙයුම් අධ්‍යක්ෂවරයා ලෙස කටයුතු කළේය.
බංගලාදේශයේ කනිෂ්ඨ අණ හා මාණ්ඩලික පාඨමාලාව, පකිස්ථානයේ පියාසර ආරක්ෂක නිලධාරීන්ගේ පාඨමාලාව සහ ඇමරිකා එක්සත් ජනපදයේ උසස් ආරක්ෂක සහයෝගිතා පාඨමාලාව ඇතුළු විදේශීය පුහුණු පාඨමාලා ගණනාවක්ම හදාරා ඇති එයාර් වයිස් මාර්ෂල් රාජපක්ෂ, ශ්‍රීමත් ජෝන් කොතලාවල ආරක්ෂක විශ්වවිද්‍යාලයෙන් ආරක්ෂක අධ්‍යයනය පිළිබඳ ප්‍රථම උපාධිය සහ ආරක්ෂක අධ්‍යයනය පිළිබඳ ශාස්ත්‍රපති උපාධිය ලබා තිබේ.
එක්සත් රාජධානියේ රාජකීය ආරක්ෂක අධ්‍යයන විද්‍යාලයේ (RCDS) ජාත්‍යන්තර ආරක්ෂාව සහ උපායමාර්ගික නායකත්ව අධ්‍යයනය පිළිබඳ උපාධිධාරියෙක් වන එයාර් වයිස් මාර්ෂල් රාජපක්ෂ දක්වන ලද නිර්භීතකම වෙනුවෙන් ඔහු තුන් වතාවක් රණ සූර පදක්කමෙන් පිදුම් ලැබීය.
මීට අමතරව එයාර් වයිස් මාර්ෂල් උදේනි රාජපක්ෂ,
ශ්‍රී ලංකා ගුවන් හමුදා මලල ක්‍රීඩා සංගමයේ සභාපතිවරයා ලෙස කටයුතු කර ඇති අතර 2010 වසරේ ටෙනිස් සඳහා ශ්‍රී ලංකා ගුවන් හමුදා වර්ණ ලබා තිබේ. කමාන්ඩර් කුසලාන, ඊගල්ස් අභියෝගතා කුසලානය දිනාගත් එකම ගුවන් හමුදා නිලධාරියා ද ඔහු වේ. 2021 වසරේ ගොල්ෆ් ක්‍රීඩාව සඳහා ශ්‍රී ලංකා ගුවන් හමුදා වර්ණ ඔහු ලබා ගත්තේය.
