පාස්කු ප්‍රහාරය පිළිබඳව සිය වගකීම පැහැර හැර ඇති බවට සනාථ වී ඇති ජ්‍යෙෂ්ඨ පොලිස් නිලධාරීන් 9 දෙනකු පොලිස් සේවයෙන් ඉවත් කර ඔවුන්ගේ විශ්‍රාම වැටුප් ද නතර කිරීම සඳහා රජය නීතිපතිගේ නිර්දේශ පතා ඇත. මෙම නිලධාරීන් ගැන මෙතෙක් පියවර ගෙන නැතැයි කාදිනල්තුමා ජනපති ගෝඨාභය රාජපක්ෂ මහතා වෙත දන්වා තිබිණි.
මේ අනුව නියෝජ්‍ය පොලිස්පතිවරු 4 දෙනකු සහ පොලිස් අධිකාරිවරුන් 4 දෙනකු ඇතුළු නවදෙනකුට පොලිස් විනය ක්‍රියාමාර්ග ගැනීමට නියමිතය.
මොවුන්ගෙන් එක් නිලධාරියෙක් පාස්කු අනතුරු ඇඟවීමේ පොලිස් පණිවිඩය වෙනස් කිරීමට නියෝග කර තිබූ බව ජනාධිපති කොමිසම විසින් අනාවරණය කර තිබිණි.
කීර්ති වර්ණකුලසූරිය
