ඉදිරි දෙසතිය තුළ අනිවාර්යෙන්ම සෑම සහල් කිලෝවක් සඳහාම රුපියල් 25 ත් 50 ත් අතර මිලකින් ඉහළ යෑමට නියමිත බව ලංකා සහල් නිෂ්පාදකයන්ගේ සංගමයේ සභාපති සුරාජ් ජයවික‍්‍රම මහතා පැවසීය.
මෙම තත්ත්වය පාලනය කිරීමට රජය වහාම සහල් සඳහා උපරිම සිල්ලර මිල ගැසට් කළ යුතු බවත් සුරාජ් ජයවික‍්‍රම මහතා කියා සිටියේය.
වර්තමානයේ පවතින පොහොර අර්බුදය හමුවේ ඉදිරි මහ කන්නයේ වී තොග වෙළෙඳපොළට පැමිණීම් 50% කින් පහළ බසින බවත් මෙම තත්ත්වය මත රට තුළ සහල් හිඟයක් පැනන`ගින බවත් මේ තත්ත්වය මත ඉදිරියේ දී සෑම සහල් කිලෝවක්ම පාරිභෝගිකයාට දරාගගත නොහැකි අන්දමින් ඉහළ යනු ඇති බවද ඒ මහතා සඳහන් කළේය. ලංකා සහල් නිෂ්පාදකයන්ගේ සංගමය ඊයේ (17 දා) සවස පොළොන්නරුව සේවාගම ප‍්‍රදේශයේ දී කැඳවා තිබූ මාධ්‍ය සාකච්ඡුාවක දී සුරාජ් ජයවික‍්‍රම මහතා මේ බව අනාවරණය කළේය.
ප‍්‍රභාත් විතාන
