ශ්රී ලංකාවේ දේශපාලනයේ පවතින රික්තය පියවීමට නව ආඛ්යානයක් අවශ්ය හෙයින් දීර්ඝ කාලීන නව දේශපාලන දැක්මක ආරම්භය අද (11 දා) සිදු කරන බව ප්රකට ව්යවසායක දිලිත් ජයවීර මහතා ‘දිවයින’ ට පැවසීය.
මේ සඳහා මවුබිම ජනතා පක්ෂය නිල වශයෙන් අරඹමින් එම පක්ෂයේ මූලස්ථානය අද උදේ අරඹන බව ද ඔහු සඳහන් කළේය.
සම්ප්රදායික ආකල්ප හා යල්පැනපු මතවලින් බැහැරව ජනතාවට යහපත් රටක් උදාකර දීමට ව්යවසායක රාජ්ය දැක්මක් තුළින් හැකි බව ද ඔහු කියා සිටියේය.
හුදෙක් ජනාධිපතිවරණය ඉලක්ක කරගෙන මෙම වැඩපිළිවෙළ ආරම්භ නොකරන බවත් ඕනෑම මැතිවරණයකට මුහුණ දීමට හැකිවන පරිදි නව පක්ෂය ක්රියාකරනු ඇති බවත් ඔහු තවදුරටත් පැවසීය.
කොළඹ 8 උද්යාන මාවතේ අංක 11 දරන ස්ථානයේදී මෙම පක්ෂ මූලස්ථානය විවෘත වෙයි.
ශ්යාම් නුවන් ගනේවත්ත