එළඹෙන නව වසර සැමරීම වෙනුවෙන් ජනවාරි 01දා විපක්ෂ නායක කාර්යාලයේ පවත්වන කැවුම් කිරිබත් සංග‍්‍රහය මෙවර නොපවත්වන ලෙස විපක්ෂ නායක සජිත් පේ‍්‍රමදාස මහතා සිය කාර්ය මණ්ඩලයට උපදෙස් දී ඇත.
නව වසර සමරා කිරිබත් කෑමට තරම් වාතාවරණයක් රට තුළ නොමැතිවීම මෙන්ම නව වසරක් සැමරීමට තරම් සතුටකින් ජනතාව නොසිටින බැවින් එවැනි සංග‍්‍රහ අනවශ්‍ය බව සජිත් පේ‍්‍රමදාස මහතා ඊයේ (30දා) තම කාර්ය මණ්ඩලයට පවසා තිබේ.
එබැවින් නව වසරේ පළමු දින සාමාන්‍ය පරිදි වැඩ කටයුතු ආරම්භ කරන ලෙසත් අනවශ්‍ය වියදම් නොකරන ලෙසත් සජිත් පේ‍්‍රමදාස මහතා උපදෙස් දී ඇතැයි කොළඹ, මාර්කස් ප‍්‍රනාන්දු මාවතේ අංක 30 ස්ථානයේ පිහිටි විපක්ෂ නායක කාර්යාලයේ ජ්‍යෙෂ්ඨ ප‍්‍රකාශකයෙක් ‘දිවයින’ට පැවසීය.
අකිත පෙරේරා
