ලොව වේගයෙන්ම වර්ධනය වන ස්මාර්ට්ෆෝන් ක්ෂේත්‍රයේ නිෂ්පාදනය තුන් ගුණයකින් වැඩි කරමින් පසුගිය මූල්‍ය වර්ෂයේදී ඩොලර් බිලියන 7 කට වඩා වැඩි අයිෆෝන් ප්‍රමාණයක් ඉන්දියාවේදී එකලස් කර ඇත. එය ඉන්දියාව චීනයෙන් ඔබ්බට ගමන් කිරීම වේගවත් කිරීමෙන් පසු වාර්තා වූ අවස්ථාවක් ලෙස සඳහන්වේ.
ෆොක්ස් කොන් ටෙක්නොලොජි ගෲප් සිට පෙගාට්‍රොන් ක්‍රොප් සමාගම දක්වා ව්‍යාප්ත වන හවුල්කරුවන් හරහා එක්සත් ජනපද සමාගම සිය අයිෆෝන් වලින් සියයට 07කට ආසන්න ප්‍රමාණයක් ඉන්දියාවේ නිෂ්පාදනය කරයි. එය ඉන්දියාවට සැලකිය යුතු පිම්මක් වන අතර එය 2021 දී ලොව අයිෆෝන් වලින්සියයට 01ක් ලෙස ගණන් බලා ඇත.
වොෂින්ටනය සහ බීජිං අතර ගැටුම් උත්සන්න වෙමින් පවතින බැවින් ඇපල් සමාගම චීනය මත යැපීම අඩු කිරීමට ක්‍රම සොයයි. චීනයේ ෂෙන්ෂො පළාතේ ෆොක්ස්කොන් හි පිහිටි ප්‍රධාන අයිෆෝන් සංකීර්ණයේ ඇති ලොව වටිනාම සමාගම පසුගියදා අවුල් සහගත තත්ත්වයකට මුහුණ දුන්නේය.
එය ඇපල්හි සැපයුම් දාමයේ ඇතිකළ අවදානම නිසා ප්‍රතිදාන කපා හැරීමට බල පෑවේය. ඒ අතරම ඉන්දීය අග්‍රාමාත්‍ය නරේන්ද්‍ර මෝදි මහතා ද දේශීය නිෂ්පාදන නංවාලීම සඳහා දිරිගැන්වීම් රාශියක් නිකුත් කර තිබේ.
සමස්ත නිෂ්පාදනයෙන් 2023 මාර්තු මස අවසන් වූ වසර තුළ ඇපල් විසින් අයිෆෝන් ඩොලර් බිලියන 5 ක් අපනයනය කර ඇත. එය පෙර කාලසීමාව මෙන් හතර ගුණයකට ආසන්න බව වාර්තාවේ. ඇපල් විසින් මීළඟ අයිෆෝනය චීනයේ මෙන්ම 2023 අගභාගයේදීම ඉන්දියාවේ නිෂ්පාදනය කිරීමට උත්සාහ කරයි. එය රටවල් දෙකෙහි සමගාමීව අයිෆොන් එකලස් කිරීම ආරම්භ වන පළමු අවස්ථාව වනු ඇත. තවද එහි සැපයුම්කරුවන්ගේ ආක්‍රමණශීලී ව්‍යාප්තිය දිගටම පැවතුනහොත් ඇපල් හට 2025 වන විට එහි සියලුම අයිෆෝන් වලින් හතරෙන් එකක් ඉන්දියාවේදී එකලස් කළ හැකිය.
