කැරිබියන් රාජ්‍යයක් වන ඩොමිනිකන් රිපබ්ලික් රාජ්‍යයට ඇද හැළුණු ධාරාණිපාත වර්ෂාවත් සමග හටගත් ජල ගැලීම්වලට ගොදුරු වීමෙන් කුඩා ළමුන් 03 දෙනකු ඇතුළු 21 දෙනකු මියගොස් තිබේ. මියගිය පිරිසෙන් 09 දෙනකු ඩොමිනිකන් රිපබ්ලික් රාජ්‍යයේ අගනුවර වන සැන්ටෝ ඩොමින්ගෝ නගරයේ අධිවේගී මාර්ගයක උමගක් කඩා වැටීමෙන් මියගොස් ඇති බව වාර්තා වී ඇත. මෙම ජලගැලීම්වලට කොටු වී සිටි 13,000කට අධික පිරිසක් ඔවුන්ගේ නිවාසවලින් ඉවත් කොට ආරක්ෂිත ස්ථාන කරා යොමු කිරීමට බලධාරීන් විසින් පියවර ගෙන ඇති බව මාධ්‍ය විසින් වාර්තා කර තිබේ.
ඩොමිනිකන් රිපබ්ලික් රාජ්‍යයේ හදිසි ආපදා මෙහෙයුම් මධ්‍යස්ථානයට අනුව මෙම ජලගැලීම් හේතුවෙන් එරට නිවාස රැසක් යටවී ඇති අතර මාර්ග හා පාලම්වලට හානි සිදු වී විදුලිය විසන්ධි වී තිබේ. ධාරාණිපාත වර්ෂාව හේතුවෙන් ඩොමිනිකන් රිපබ්ලික් රාජ්‍යයේ පළාත් 32න් බහුතරයකට රතු හා කහ අවදානම් නිවේදන නිකුත් කර තිබේ.
