දේශමාන්‍ය අනුර අල්විස් මහතාගේ සංකල්පයක් …
එළැඹෙන ලෝක පරිසර දිනය නිමිත්තෙන් මාධ්‍ය ආයතන සඳහා පලතුරු සහ ඖෂධ පැළ බෙදාදීමේ වැඩසටහනක සමාරම්භය සනිටුහන් කරමින් උපාලි පුවත්පත් සමාගමේ සේවක සේවිකාවන් වෙත පැළ බෙදාදීමේ පාරිසරික පුණ්‍යකර්මයක් ඊයේ (15දා) පමෝදා එන්ටර්ප්‍රයිසස් අධිපති, දේශමාන්‍ය අනුර අල්විස් මහතාගේ ප්‍රධානත්වයෙන් උපාලි පුවත්පත් කාර්යාලයේදී සිදුකෙරිණි.
දේශමාන්‍ය අනුර අල්විස්, පරිසරවේදී සහ පෝෂණවේදී ඇම්. ඩී. කරුණාදාස
මදාරා රුක් රෝපණ සහ පරිසර සංරක්ෂණ සේවයේ නිර්මාතෘ ප්‍රකට පරිසරවේදී සහ පෝෂණවේදී ඇම්. ඩී. කරුණාදාස මහතාගේ සම්බන්ධීකරණයෙන් මෙම වැඩසටහන ක්‍රියාවට නංවන ලද අතර, මෙහිදී අඹ, පැණි දොඩම්, කටුඅනෝදා, නා, පේර, දෙහි වැනි පැළ වර්ග බෙදා දෙන ලදී.
මෙම අවස්ථාවට දේශමාන්‍ය අනුර අල්විස්, පරිසරවේදී සහ පෝෂණවේදී ඇම්. ඩී. කරුණාදාස, ප්‍රධාන පොලිස් පරීක්ෂක (මානව සම්පත් කොට්ඨාසය) අජන්ත පුෂ්පකුමාර, උපාලි පුවත්පත් සමාගමේ දැන්වීම් සාමාන්‍යධිකාරී ධනංජය විතානගේ, එම මානව සම්පත් කළමනාකාරිනී මැටිල්ඩා ගුණසේකර, දිවයින ඉරිදා සංග්‍රහය ප්‍රධාන කර්තෘ උදේශ සංජීව ගමගේ, දිවයින විශේෂාංග කර්තෘ සහ පාරිසරික කර්තෘ ජගත් කණහැරආරච්චි, ජ්‍යෙෂ්ඨ මාධ්‍යවේදී නෝමන් පළිහවඩන යන මහත්ම මහත්මීන් සහභාගි වූ අතර, සේවක මණ්ඩලයට මෙහිදී රුක් බෙදා දීම සිදුකරන ලදී.
ඡායාරූප නිශාන් එස් ප්‍රියන්ත
