ප්‍රතිජීවක ඖෂධයක් ලබාදීමෙන් පසු කොළඹ ජාතික රෝහලේදී මියගිය පුද්ගලයාගේ ජෛව සාම්පල වැඩිදුර විමර්ශන කටයුතු සඳහා ඉන්දියාවට යවා තිබේ.
එම විමර්ශනවල ප්‍රතිඵල ලැබීමෙන් පසු ඒ සම්බන්ධයෙන් තීරණයක් ගැනීමට හැකිවනු ඇතැයි නියෝජ්‍ය සෞඛ්‍ය සේවා අධ්‍යක්‍ෂ ජනරාල්, වෛද්‍ය ජී. විජේසූරිය මහතා ‘දිවයින’ ට ඊයේ (04 දා) පැවැසීය.
එම රෝගියාට ලබාදුන් AMOXYCLAV නමැති ප්‍රතිජීවක ඖෂධයේ සාම්පල ද වැඩිදුර විමර්ශන සඳහා ඔස්ටේ්‍රලියාව වෙත යවා ඇත. කැපුම් තුවාලයකට ප්‍රතිකාර ලබාගැනීමට කොළඹ ජාතික රෝහලට පැමිණි පුද්ගලයකුට මෙම ප්‍රතිජීවක ඖෂධය ලබාදීමෙන් පසු ඔහු මරණයට පත්ව තිබේ.
සුජීව තත්සර
