අම්බලන්තොට ප්‍රදේශයේ දී බස් රථයක් තුළ සිදුකළ වෙඩිතැබීමකින් බරපතළ තුවාල ලැබූ කාන්තාවක් රෝහල්ගතකර තිබේ.
වෙඩිතැබීම සිදුව ඇත්තේ අම්බලන්තොට දෙස සිට ධාවනය වූ බස් රථයක් තුළදීය.
යතුරුපැදියකින් පැමිණි දෙදෙනෙකු බස් රථය හරස් කර නවත්වා ඒ තුළට නැග අදාළ කාන්තාවට වෙඩිප්‍රහාරය එල්ලකර තිබේ.
තුවාල ලැබූ කාන්තාව අම්බලන්තොට රෝහලට ඇතුළත් කර ඇත.
අම්බලන්තොට පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි.
