රාජ්‍ය සේවකයන් අද (25 දා) සිට සාමාන්‍ය පරිදි සේවයට කැඳවීම සිදු කෙරේ.
ඉන්ධන අර්බුදය හේතුවෙන් රාජ්‍ය සේවකයන් සේවයට කැඳවීම් සීමා කරමින් චක්‍රලේඛයක් නිකුත් කර තිබූ අතර එම චක්‍රලේඛයේ වලංගුතාවය ඊයේ (24 දා) අවසන් වූ බවත් ඒ අනුව රාජ්‍ය නිලධාරීන් අද (25 දා) සිට සාමාන්‍ය පරිදි සේවයට වාර්තා කළ යුතු බවත් රාජ්‍ය පරිපාලන හා ස්වදේශ කටයුතු අමාත්‍යංශ ලේකම් ප්‍රියන්ත මයාදුන්න මහතා පැවසීය.
රාජ්‍ය සේවකයින් සාමාන්‍ය පරිදි සේවයට කැඳවීමට අදාළව චක්‍රලේඛයක් නිකුත් කිරීමක් අවශ්‍ය නොමැති බවත් ඒ මහතා වැඩිදුරටත් කීය.
චමින්ද සිල්වා
