ලංකා විදුලිබල මණ්ඩලය ප්‍රතිව්‍යුහගතකරණයට ගෙන එන පනතට එරෙහිව ආරම්භ කර තිබෙන සේවක උද්ඝෝෂණයේ දෙවැනි දින වූ ඊයේ (4 දා) විදුලි ඉංජිනේරු සංගමය ද එයට එකතුවී තිබේ.
විදුලිබල මණ්ඩලයේ පරිපාලන ව්‍යුහයේ සියලුම ප්‍රධාන තනතුරුවලට හිමිකම් කියන විදුලි ඉංජිනේරු සංගමය ද මෙම සටනට එකතුවීම අගේ කරන බව සෙසු වෘත්තීය සමිති නායකයෝ පැවසූහ.
කොළඹ, කොටුව ලංවීම ප්‍රධාන කාර්යාලය ඉදිරිපිට පවත්වන මෙම උද්ඝෝෂණයට එරෙහිව ආණ්ඩුව දැඩි ක්‍රියාමාර්ග ගෙන තිබියදී විදුලි ඉංජිනේරුවන්ද ඊට සහායදීම සටන තීව්‍රවීමට හේතුවක් බව ද ඔව්හු කියා සිටියහ.
ශිරාන් රණසිංහ
