පරිප්පු, සීනි, සහල්, සැමන්, බී ලූනු ඇතුළු අත්යවශ්ය ආහාර ද්රව්ය කීපයක මිල සැලකිය යුතු මට්ටමින් අඩු වී ඇතැයි පිටකොටුව තොග වෙළෙඳුන්ගේ සංගමයේ ප්රකාශකයෙක් ‘දිවයින’ට ඊයේ (07 දා) පැවසීය.
ඒ අනුව රුපියල් 600 ට – 650 ට අලෙවි කළ පරිප්පු කිලෝව රුපියල් 420 හා 450 දක්වාත්, රුපියල් 360 ට, 380 ට අලෙවි කළ සීනි කිලෝව රුපියල් 260, 270 දක්වාත්, රුපියල් 2200 ට අලෙවි කළ වියළි මිරිස් කිලෝව රුපියල් 1300 දක්වාත්, රුපියල් 700 ට අලෙවි කළ සැමන් ටින් එකක් රුපියල් 600 ,650 දක්වාත්, රුපියල් 220 ට තිබුණු බී ලූනු කිලෝව රුපියල් 120 දක්වාත් මිල පහත බැස ඇතැයි ද හෙතෙම කීය.
තවදුරටත් කතා කළ හෙතෙම මෙසේ ද කියා සිටියේය.
මේ අත්යවශ්ය භාණ්ඩ මිල තවත් හුඟක් අඩුවෙන්න ඉඩ තිබෙනවා. දැනටමත් මේවායේ මිල රුපියල් 200 කින් 400 කින් අඩුවෙලා. සහලුත් හුඟක් අඩුයි.
ප්රදීප් ප්රසන්න සමරකෝන්