1988 පෙබරවාරි 3 වැනි දින පනවන ලද 13 වැනි ආණ්ඩුක්‍රම ව්‍යවස්ථා සංශෝධනය ක්‍රියාත්මක කිරීම සම්බන්ධයෙන්, පාර්ලිමේන්තුව නියෝජනය කරන දේශපාලන පක්ෂවල අදහස් ඉල්ලා සිටීම ගැන අපි ඔබට ස්තුතිවන්ත වෙමු. එවැනි අදහස් 2023 අගෝස්තු 15 ට පෙර ඉදිරිපත් කරන ලෙස අපට පෙර දැනුම් දෙන ලදී.
ශ්‍රී ලංකා මුස්ලිම් කොංග්‍රසයෙන් (SLMC) වත්මන් පාර්ලිමේන්තුවට තේරී පත් වූ එකම මන්ත්‍රීවරයා ලෙසත්, එහි නියෝජ්‍ය නායක (1) ලෙසත්,
නැඟෙනහිර පළාතේ මඩකලපුව දිස්ත්‍රික්කයේ ජනතාවගේ ඡන්දයෙන් තේරී පත් වූ පාර්ලිමේන්තු මන්ත්‍රීවරයකු ලෙසත්, නැගෙනහිර පළාතේ සහ
ශ්‍රී ලංකා මුස්ලිම් කොංග්‍රසයේ මුස්ලිම් ජනතාව වෙනුවෙන් පහත සඳහන් කරුණු ඉදිරිපත් කිරීමට මම කැමැත්තෙමි.
2) (අ) උතුරු හා නැඟෙනහිර පළාත්වල මුස්ලිම් (සහ සිංහල) ජනතාව සමඟ පොරොන්දු වූ සාකච්ඡාවකින් තොරව සහ (ආ) ජනාධිපතිවරයා විසින් 2023 අගෝස්තු 15 අඟහරුවාදා හෝ ඊට පෙර ඉල්ලා සිටි දේශපාලන පක්ෂවල ලිඛිත අදහස් ඉදිරිපත් කරන තෙක් බලා නොසිට, 13 වැනි සංශෝධනය සම්බන්ධයෙන් පාර්ලිමේන්තු අනුමැතියට යටත්ව ජනාධිපතිවරයා විසින් ගැනීමට සැලසුම් කර තිබූ පියවර ප්‍රකාශයට පත් කරමින් 2023 අගෝස්තු 9 බදාදා දින ජනාධිපතිවරයා විසින් පාර්ලිමේන්තුවේදී විශේෂ ප්‍රකාශයක් සිදු කළේ මන්දැයි ජනතාව විසින් අප වෙත කරුණු ඉදිරිපත් කර ඇත. කෙසේ වෙතත් 13 වැනි ව්‍යවස්ථා සංශෝධනය ක්‍රියාත්මක කිරීමට පෙර උතුරු නැඟෙනහිර පළාත්වල මුස්ලිම් සහ සිංහල පාර්ලිමේන්තු මන්ත්‍රීවරුන් සමඟ සාකච්ඡා කරන බවට ජනාධිපතිවරයා පාර්ලිමේන්තුවේදී ප්‍රකාශයක් කිරීම පිළිබඳව අපි ස්තුතිවන්ත වෙමු.
3) නැගෙනහිර පළාතේ විශාලතම වාර්ගික – ආගමික ප්‍රජාව මුස්ලිම්වරුන් වන අතර, මුස්ලිම් ජනතාව විශාලතම තනි ප්‍රජාව වේ. උතුරු හා නැගෙනහිර පළාත්වල, මුස්ලිම් ප්‍රජාවෙන් විශාල පිරිසක් 1989දී එල්.ටී.ටී.ඊ.ය විසින් පලවා හරින ලද ජනතාව අවතැන් වූ අතර 1987 සිට එල්.ටී.ටී.ඊ.ය විසින් දහස් ගණනක් ඝාතනය කරන ලදී. උතුරු නැඟෙනහිර මුස්ලිම් ඝාතන සහ වාර්ගික සමූල ඝාතන උත්සාහයන් මෙන්ම ඉන් අනතුරුව සිදු වූ ඉඩම් කොල්ලය, මුස්ලිම් ජනතාවට අයත් ඉඩම් සහ දේපළ කොල්ලකෑම් සිදු වූයේ ප්‍රධාන වශයෙන්ම උතුරු නැගෙනහිර මුස්ලිම් ජනතාව බහු වාර්ගික සහ බහු ආගමික ශ්‍රී ලංකාවෙන්, වෙනම දෙමළ නිජබිමක් වෙන් කිරීම සඳහා වූ එල්ටීටීඊයේ අරගලයට සහය නොදැක්වූ නිසා බව කවුරුත් දන්නා කරුණකි. 13 වැනි ව්‍යවස්ථා සංශෝධනය ක්‍රියාත්මක කිරීම හරහා හෝ වෙනත් ආකාරයකින් හෝ, උතුරු හා නැගෙනහිර පළාත්වල ජනතාවගේ ජනවාර්ගික ප්‍රශ්නවලට දෙන විසඳුමක්, ශ්‍රී ලංකාවේ මුස්ලිම් සහ සිංහල ප්‍රජාවන්ගේ සමාන හා සාධාරණ ක්‍රියාවලියකින් සහ සහභාගිත්වයෙන් තොරව කිසිදාක තිරසාර විසඳුමක් විය නොහැක.
4) ජනාධිපතිවරයා විසින් පාර්ලිමේන්තුවට කරන ලද විශේෂ ප්‍රකාශයේ 13 වැනි ව්‍යවස්ථා සංශෝධනය පිළිබඳ සිය සඳහන අවසන් කර තිබුණේ, උතුරු සහ නැගෙනහිර පළාත්වල දෙමළ ජනතාවගේ ප්‍රශ්න විසඳා, රට තුළ ජාතික සංහිඳියාව ආරක්ෂා කිරීම තම අරමුණ බව ප්‍රකාශ කරමිනි. මෙය කම්පනය දනවන, පිළිගත නොහැකි සහ අසාධාරණ ප්‍රකාශයක් ලෙස සලකනු ලැබේ, මන්ද එය රට බෙදීමට සහය නොදීම නිසා ඉඩම් හා ජීවිත අහිමි වූ වින්දිත මුස්ලිම් ජනතාවගේ බහුවිධ ගැටලු නොසලකා හරිමින් එක් ප්‍රජාවකට පක්ෂව පමණක් කරන ප්‍රකාශයක් ලෙස පෙනෙන බැවිනි. පළාත් දෙකේ සියලුම ප්‍රජාවන්ගේ වාර්ගික – ආගමික ගැටලුවලට තිරසාර විසඳුමක් ලබා ගැනීම සඳහා ප්‍රධාන ප්‍රජාවන් තුනට සමාන තත්ත්වයන් ලබා දෙමින් වෙනස් කොට සැලකීමකින් තොරව නිසි ක්‍රියාවලියක් අනුගමනය කිරීම ජනාධිපතිවරයාගේ පරම යුතුකම බව, ජනතාව අප වෙත කරුණු ඉදිරිපත් කර ඇත.
5) උතුරු පළාතට සහ නැඟෙනහිර පළාතට බලය බෙදීමට මුස්ලිම්වරුන් සහාය දෙන නමුත් විශේෂයෙන්ම 13 වැනි ව්‍යවස්ථා සංශෝධනය, තව දුරටත් සංශෝධනය කළ යුතුය. ඒවා නම්;
(අ) පළාත් ඒකාබද්ධ කිරීමේ බලය ඉවත් කරමින් ආණ්ඩුක්‍රම ව්‍යවස්ථාවේ 154 අ(3) වගන්තිය අවලංගු කිරීම,
(ආ) විධිවිධානවලට යටත්ව ‘ඉඩම් සහ ඉඩම් නිරවුල් කිරීමේ’ බලතල සම්පූර්ණයෙන්ම මධ්‍යම රජයට පැවරීම. (i) ඕනෑම පළාතක ඉඩම් සහ ඉඩම් නිරවුල් කිරීමේ සියලු බලතල ක්‍රියාත්මක වන්නේ පළාත් සභාවේ 2/3 බහුතර යෝජනාවක එකඟතාවයෙන් පමණක් බව, සහ (ii) 1981 සංගණනයට අනුව පළාතේ වාර්ගික – ආගමික ජන අනුපාතය උල්ලංඝනය නොකිරීමට යටත්ව බව සහ
(ඇ) නීතිය හා සාමය සහ සියලුම පොලිස් බලතල මධ්‍යම රජයට පමණක් පැවරිය යුතු නමුත්, ඕනෑම පළාතක නීතිය හා සාමය සඳහා වගකිව යුතු සේවා පුද්ගලයන්ගේ සංයුතිය, 1981 සංගණනයට අනුව පළාතේ ජනවාර්ගික -ආගමික ජන අනුපාතය පිළිබිඹු කළ යුතු බව.
6) උතුරු පළාත් සභාව ක්‍රියාත්මක වන විට සිදු කිරීමට අපොහොසත් වූ සියලුම උතුරු මුස්ලිම්වරුන් නැවත පදිංචි කිරීම රජය විසින් වහාම ආරම්භ කළ යුතු අතර යුද්ධයේදී පලවා හරින ලද මුස්ලිම් ජනතාවට ඉඩම් සහ දේපළ නැවත ලබා දිය යුතුය. එසේම ඕනෑම ආකාරයක මුස්ලිම් විරෝධී ව්‍යාපාර නැවැත්වීමටත්, අසාමාන්‍ය හදිසි අවස්ථාවකදී හැර, පළාත් දෙකෙහි ත්‍රිවිධ හමුදාවේ සංඛ්‍යාව සහ භූමිකාව අඩු කිරීමටත්, අව්‍යාජ උපදේශන ක්‍රියාවලියක් තුළින් සියලුම වාර්ගික ආගමික ප්‍රජාවන් අතර සමගිය, සාමය ස්ථාපිත කිරීමටත් පියවර ගත යුතුය. නැඟෙනහිර ප්‍රදේශයේ, විශේෂයෙන් මායිම් ප්‍රදේශවල සිටි මුස්ලිම් ගම්වැසියන් විශාල සංඛ්‍යාවක් සම්පූර්ණයෙන්ම පලවා හැර ආපසු පැමිණීම වැළැක්වීය. මෙම මුස්ලිම් ජනතාව ඔවුන්ගේ මුල් ගම්වල සම්පූර්ණයෙන්ම නැවත පදිංචි කළ යුතුය.
7) (අ) පළාතේ ආර්ථික සංවර්ධනය, විශේෂයෙන් අධ්‍යාපනය, කෘෂිකර්මය සහ සෞඛ්‍යය අංශවල දියුණුව ප්‍රමුඛතා ලෙස සාක්ෂාත් කර ගැනීම ඔවුන්ගේ ප්‍රධාන අරමුණු ලෙස පළාත් සභාවලට අනිවාර්ය කළ යුතු අතර, පළාත් සඳහා වන මූල්‍ය ප්‍රතිපාදන නියමිත කාලය සහ එක් එක් පළාතට බෙදා දී ඇති ආයතනවල කොටසට සමානුපාතිකව සම්පූර්ණයෙන් ලබා දෙන බවට රජය ව්‍යවස්ථානුකූලව සහතික කළ යුතුය.
(ආ) පළාත්වල ඵලදායී ආර්ථික සංවර්ධනයක් සඳහා, පළාත් සහ පළාත් පාලන මට්ටමින් එකතු කරන ලද බදු සහ අනුපාත ඇතුළුව සියලුම ආදායමෙන් අවම වශයෙන් 85% ක් අදාළ පළාත් සහ පළාත් පාලන භාණ්ඩාගාරවල ව්‍යවස්ථාපිතව පැවතිය යුතුය.
මෙයින් 2/3ක් පළාත් සහ පළාත් පාලන ආයතන විසින් අදාළ පළාත් සහ පළාත් පාලන ආයතනවල සංවර්ධනය සඳහා වෙන් කළ යුතු අතර, ඉතිරි 1/3 රටේ පසුගාමී/ පහළ සංවර්ධිත ප්‍රදේශ සඳහා මධ්‍යම රජයේ විගණකාධිපති විගණනයට යටත්ව වෙන් කළ යුතුය.
(8) ඕනෑම පළාතක සියලුම විදේශ ආධාර සහ අනික් ආධාර රජයේ එකඟතාව ඇතිව ලබා දිය යුතු අතර වෙනස් කොට නොසැලකීම සහ නීතියේ සමාන ආරක්ෂාව වැනි ආණ්ඩුක්‍රම ව්‍යවස්ථාමය ප්‍රතිපාදනවලට යටත්ව ඒවා ක්‍රියාත්මක කළ යුතුය.
(9) ආණ්ඩුක්‍රම ව්‍යවස්ථාවේ ස්ථාපිත විධිවිධාන වන ආණ්ඩුක්‍රම ව්‍යවස්ථාවේ 4, 5 සහ 6 සංශෝධන ව්‍යවස්ථා ප්‍රමාණවත් ලෙස පැහැදිලි කර නොමැති අතර නීත්‍යානුකූල සාධාරණීකරණයකින් තොරව සහාය දැක්විය නොහැක.
(10) කුරිරු ත්‍රස්තවාදය වැළැක්වීමේ (තාවකාලික විධිවිධාන) පනතෙන් අප දැක ඇති පරිදි, ත්‍රස්තවාදය මැඬපැවැත්වීමට පනවන ලද ඒ හා සමාන නීති කිසිදා සාර්ථක වී නැති බැවින්, මතභේදාත්මක යෝජිත ත්‍රස්තවාදය වැළැක්වීමේ නීතිය පැනවීම කිසිසේත්ම අවශ්‍ය නොවේ. ත්‍රස්තවාදය තුරන් කළ හැක්කේ අධිකරණය ඇතුළු බලය පැවරී ඇති සියලුම ආයතන විසින් රටෙහි සාධාරණ සහ වෙනස් කොට සැලකීම්වලින් තොර පාලනයක් සහතික කිරීම තුළින් පමණි. ගෝලීය දැක්ම වන්නේ එවැනි නීති දැඩි ලෙස අපයෝජනයට ලක් කර ඇති අතර එහි ප්‍රතිඵලයක් ලෙස පීඩිත සුළු ජාතීන් ආයුධ සන්නද්ධව විශාල රැඩිකල්කරණයකට මග පාදන අතර එය සංහිඳියාව සඳහා වන ප්‍රයත්නයන්ට හානි කර බවයි. රට ආර්ථික බංකොලොත්භාවයෙන් ගොඩ ඒමට නම් මෙවැනි සිදුවීම් වහා නැවැත්විය යුතුය.
ඉංජිනේරු නසීර් අහමඩ්, මඩකලපු දිස්ත්‍රික් පාර්ලිමේන්තු මන්ත්‍රී, නියෝජ්‍ය නායක (1) –
ශ්‍රී ලංකා මුස්ලිම් කොංග්‍රසය
