අතවර පැමිණිල්ල කරන්න නිලධාරිනිය මැලිකමක් දක්වනවා – කථානායක කියයි
පොදු ව්යාපාර කාරක සභාවේ (කෝප්) සභාපතිවරයකු විසින් ලිංගික බලපෑම් කළ බව කියන පාර්ලිමේන්තු නිලධාරිනිය ඒ සම්බන්ධයෙන් පැමිණිලි කිරීමට මැළිකමක් දක්වන බව කථානායක මහින්ද යාපා අබේවර්ධන මහතා ‘දිවයින ඉරිදා’ සංග්රහයට කීය.
ඒ සම්බන්ධයෙන් පැමිණිලි කිරීමට ඇති ලැජ්ජාශීලීභාවය නිසා එම සිද්ධිය පිළිබඳව ඇය මෙතෙක් නිසි පරිදි පැමිණිල්ලක් ඉදිරිපත් කර නැතැයි ද කථානායකවරයා කියා සිටියේය.
බස් රථවලද කාන්තාවන්ට මෙවැනි අතවර සිදුවුවත් සමහරු ඒවා ගැන පැමිණිලි නොකරන්නේ ලැජ්ජාව නිසා යැයි ද කථානායකවරයා කීවේය.
ඒ අනුව පැමිණිල්ලක් නැතිව පරීක්ෂණ පවත්වන්නේ කෙසේ දැයි කියා කථානායකවරයා සඳහන් කළේ ‘ඉරිදා දිවයින’ සංග්රහය නැඟූ ප්රශ්නයකට පිළිතුරු දෙමිනි.
අදාළ කෝප් කමිටු සාමාජිකයා මෙම අතවර චෝදනාව ප්රතික්ෂේප කර ඇත.
නෝමන් පළිහවඩන