ඉන්දියානු දේශසීමාව හරහා චීන ආක්‍රමණය අහඹු සිදුවීම් නොවන නමුත් මේවා මතභේදයට තුඩු දී ඇති දේශසීමා ප්‍රදේශ වල ස්ථිර පාලනයක් ලබා ගැනීමට සැලසුම් කර ඇති ආක්‍රමණ බව ඒ සම්බන්ධයෙන් සිදු කළ අලුත්ම අධ්‍යයන මගින් අනාවරණය වී ඇත.2020 වසරේ සිට මේ දක්වා සිදුවූ දේශ සීමා ගැටුම් සමතයකට පත් කර ගැනීමට දෙපාර්ශවයම රාජ්‍ය තාන්ත්‍රික මට්ටමින් සහ හමුදා මට්ටමින් සාකච්ඡා වට කිහිපයක් පවත්වා තිබේ. දේශ සීමා ගැටුම් නිසා දෙරට අතර සබඳතා සාමාන්‍ය මට්ටමින් පවත්වාගෙන යාමට නොහැකි බවත් එම අධ්‍යයන මගින් අනාවරණය කර ඇත.හිමාලය ප්‍රදේශයේ පවතින දෙරට අතර දේශ සීමා උණුසුම් වාතාවරණය මගින් චීනය කොතෙක් දුරට ඉන්දීය දේශ සීමා ආක්‍රමණය කිරීමට කටයුතු යොදා තිබේ දැයි හදුනාගත හැකි බව ද සදහන් කරයි. මෙම ආක්‍රමණ උපාය මාර්ගික සැලසුම් බවද එම අධ්‍යයන මගින් අනාවරණය කර ගැනීමට සමත් වී තිබේ.
