ඖෂධ ආනයනය සඳහා සීමාවක් පනවා නැතැයි මුදල් අමාත්‍යාංශයේ ලේකම් එස්. ආර්. ආටිගල මහතා පවසයි.
එසේම ආනයන සීමාකර ඇති අත්‍යවශ්‍ය නොවන භාණ්ඩ අතරට ඖෂධ අයත් නොවන බව ද හෙතෙම සඳහන් කරයි.
මේ අතර ඖෂධ නිෂ්පාදන, සැපයුම් සහ නිෂ්පාදන රාජ්‍ය අමාත්‍යාංශය පවසන්නේ ඖෂධ මිල වැඩි කිරීමට ඖෂධ ආනයනකරුවන්ට හෝ නිෂ්පාදකයන්ට නොහැකි බවය. ඒ සඳහා කටයුතු කරන්නේ ජාතික ඖෂධ නියාමන අධිකාරියේ මිල පාලන කමිටුව බවත් ඇමෙරිකානු ඩොලරයේ මිල ඉහළ යෑමට සාපේක්ෂ ඖෂධ මිල වැඩි කිරීමට පියවර ගන්නා බවත් රාජ්‍ය අමාත්‍යාංශය පවසයි.
