තලෙයිබාන් සංවිධානය එක්සත් ජාතීන්ගේ සංවිධානයට ඇතුළත් කර ගැනීමෙන් වළකින ලෙස ඇෆ්ගන් කාන්තාවන් පිරිසක් එක්සත් ජාතීන්ගේ බලධාරීන්ගෙන් ඉල්ලා ඇත.
තලෙයිබාන් සංවිධානය දැරියන්ට පාසල් යෑම ද කාන්තාවන්ට රැකියාවලට යෑම ද තහනම්කර ඇතැයි ද කාන්තාවන් නිවසින් පිටට යනවානම් පිරිමි ඥාතියකු සමග ගමන් කළ යුතු යැයි ද නියෝග කර ඇතැයි ද එම කාන්තාවෝ කියා සිටිති. මේ අතර තලිබාන් සංවිධානය එක්සත් ජාතීන්ගේ සංවිධානයට ඇතුළුකර ගැනීම ගැන මේ වසර අවසානයේදී තීරණයක් ගැනීමට නියමිතය.
