ඇමෙරිකානු සුරාසැල් හිමියන් රුසියන් වොඞ්කා අලෙවි නොකිරීමට තීරණය කර ඇත. ඒ යුකේ‍්‍රන ආක‍්‍රමණයට විරෝධය දැක්වීමටය. යුක්රේනය ආක‍්‍රමණය කිරීම සම්බන්ධයෙන් රුසියාවට දඬුවම් කිරීමට ප‍්‍රබල ක‍්‍රමයක් සොයාගෙන ඇති බව ඇමෙරිකානු මාධ්‍ය කියයි. ඔවුන් රුසියානු වොඞ්කා ඔවුන්ගේ රාක්කවලින් ඉවතට ගෙන ඒ වෙනුවට යුක්රේන වෙළෙඳ නාම ප‍්‍රවර්ධනය කරයි. ”මම ඊයේ උදෑසන අවදි වූ අතර, රුසියාව යුක්රේනය ආක‍්‍රමණය කර ඇති බව දුටුවෙමි. ඔබට කළ හැක්කේ කුමක්දැයි මම කල්පනා කළා එනිසා වොඞ්කා අලෙවිය නතර කළා, ‘‘මිචිගන් හි ග‍්‍රෑන්ඞ් රැුපිඞ්ස් හි බොබ්ස් බාර් හි හිමිකරු බොබ් ක්වේ පවසයි. දකුණු කැරොලිනාවේ ඉන්දියන් ලෑන්ඞ් හි සදර්න් ස්ප‍්‍රිට්ස් මත්පැන් හල, රුසියානු වෙළෙඳ නාම එහි රාක්කවලින් ඉවත් කිරීමෙන් පසු යුකේ‍්‍රන වොඞ්කා කොසැක් හි දියුණු ව්‍යාපාරයක් කරමින් සිටී. එහි සාමාන්‍යාධිකාරී පවසන්නේ ”එය අප සිතුවාට වඩා වේගයෙන් විකිණේ. ‘‘එය නියමයි” යනුවෙනි. සමහර මත්පැන් ශාලා වල ‘‘කනගාටුයි, අපි මෙහි රුසියානු නිෂ්පාදන සපයන්නේ නැත” යනුවෙන් පෝස්ටර් ගසා ඇත.
