ශ්‍රී ලංකා නිදහස් පක්‍ෂයේ ආසන සංවිධායකවරුන් පිරිසක් ශ්‍රීලනිප මහ ලේකම් ධුරයෙන් ඉවත් කෙරූ දයාසිරි ජයසේකර මහතා අද හමුවීමට නියමිතය.
දේශපාලන බලමණ්ඩලයේ පූර්ණ අනුමැතියකින් තොරව දයාසිරි ජයසේකර මහතාව මහලේකම් ධුරයෙන් ඉවත් කිරීම හා පක්‍ෂ සාමාජිකත්වය අත්හිටුවීමට ගත් තීරණයට විරෝධය පළ කරමින් මෙම සාකච්ඡාව සිදු කෙරෙන බව නිදහස් පක්‍ෂයේ ජ්‍යෙෂ්ඨ ක්‍රියාකාරිකයෙක් ‘දිවයින’ට පැවසීය.
දයාසිරි ජයසේකර මහතා මහලේකම් ධුරය දරමින් පක්‍ෂයට කළ මෙහෙවර ගැන සහ ඉදිරියටත් එම සේවය ලබාගනිමින් පක්‍ෂයේ සියලුදෙනා එකමුතුව යෑම පිළිබඳව මෙහිදී සාකච්ඡා කිරීමට නියමිත බවද හෙතෙම වැඩිදුරටත් සඳහන් කළේය.
අරුණ බෝගහවත්ත
