ශ්‍රී ලංකා ජාතික ඔලිම්පික් කමිටුව (NOC) සහ ශ්‍රී ලංකා ජාතික ඔලිම්පික් ඇකඩමිය ((NOA) එහි 18 වැනි වාර්ෂික වැඩසටහන් මාලාව බණ්ඩාරවෙල ජාතික නිවාඩු නිකේතනයේදී අද (01 වෙනිදා) ආරම්භ වෙයි. ‘ජාතික චරිතය සමෘද්ධිමත් කිරීම සඳහා ඔලිම්පික් ක්‍රීඩාව’ යන්න මෙවර එම වැඩසටහනේ තේමාව වේ. ලබන 04 වෙනිදා දක්වා වැඩසටහන පැවැත්වේ.
ශ්‍රී ලංකා ජාතික ඔලිම්පික් ඇකඩමිය ((NOA) 2001 දී හේමසිරි ප්‍රනාන්දු මහතා විසින් ආරම්භ කරන ලදී. එතැන් සිට NOC SL විසින් ජාත්‍යන්තර ඔලිම්පික් කමිටුවේ අනුග්‍රහය යටතේ NOA වාර්ෂික වැඩසටහන් 17ක් සංවිධානය කර ඇත. 18 වන සංස්කරණයේ (NOA 2022) කටයුතු සුරේෂ් සුබ්‍රමනියම් (සභාපති, NOC SL), මැක්ස්වෙල් ද සිල්වා (ජනරාල්, NOC SL), චන්දන ලියනගේ (අධ්‍යක්ෂක, NOA 2022) ගේ මඟපෙන්වීම යටතේ සංවිධානය කර ඇත. මහාචාර්ය බී.එල්.එච්. පෙරේරා (අධ්‍යයන වැඩසටහන් අධ්‍යක්ෂ,NOC NOA SL) කැපවූ ස්වේච්ඡා විශාරදයින් 8 දෙනෙකුගෙන් යුත් කණ්ඩායමක් (NOC SL විසින් ආරාධනා කරන ලද) කණ්ඩායම් නායකයින් ලෙස මෙම වැඩසටහන ක්‍රියාත්මක කිරීමට දායක වේ.
